រាជធានីភ្នំពេញ៖ ជនសង្ស័យម្នាក់ បានធ្វើសកម្មភាព រកដុតផ្ទះរបស់គេ និងយកដែកឆាបដេញចាក់គេ ត្រូវបានអ្នកជិតខាងជួយចាប់ទាន់ បង្កការភ្ញាក់ផ្អើលកាលពីវេលាម៉ោង ៣ ថ្ងៃទី៥ ខែកក្កដា ឆ្នាំ២០២១ នៅចំណុចផ្លូវបេតុង ក្នុងសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។

តាមព័ត៌មានបឋមពីម្ចាស់ផ្ទះ បានអោយដឹងថា មុនពេលកើតហេតុ គាត់បានដើរចេញផ្ទះរបស់គាត់ ស្រាប់តែមានបុរសម្នាក់ ឈរនិយាយនៅមុខផ្ទះគាត់ ភ្លាមនោះក៏សួរថាមានរឿងអី បានឈរនៅមុខផ្ទះគាត់ បុរសនោះក៏ឆ្លើយថា គាត់ចង់សួរមានឃើញប្អូនប្រុសគាត់អត់ ម្ចាស់ឆ្ងល់ក៏សួរបុរសនោះថា ម៉េចបានកាន់ដបសាំងបម្រុងធ្វើអី? ភ្លាមនោះជនសង្ស័យនោះ ក៏បានកាន់ដបសាំងនោះ រត់ចូលក្នុងផ្ទះគាត់ ចាប់រកដុះទើបម្ចាស់ផ្ទះក៏ស្រែកឲ្យប្អូនជួយ ហើយជនសង្ស័យនោះ ក៏យកដែកឆាបដេញចាក់ម្ចាស់ផ្ទះទៀត តែសំណាងល្អមិនមានរបួសនោះទេ។

ភ្លាមនោះបងប្អូនប្រជាពលរដ្ឋក៏ចេញមកជួយចាប់ និងឃាត់ខ្លួនឲ្យសមត្ថកិច្ច ម្ចាស់ផ្ទះក៏បាននិយាយប្រាស់ក្រុមការងាTVFB គាត់បានទៅដាក់ពាក្យបណ្ដឹងដែរ តែគ្មាននាក់ណាចុះមកមើលទេ ទើបចង់ឲ្យសមត្ថកិច្ចជួយចាត់វិធាការឲ្យឃាត់ជនសង្ស័យ អស់រយៈពេញជាង៣ម៉ោង ទើបសមត្ថកិច្ចប៉ុស្ដិ៍នគរបាលចោមចៅទី២ ក៏បានមកដល់ ប្រគល់ឲ្យសមត្ថកិច្ចចាត់វិធាការតាមផ្លូវច្បាប់តែម្តង៕