រាជធានីភ្នំពេញ៖ បុរសម្នាក់ រកលោតពីលើផ្សារអូរឫស្សី តែត្រូវបានសន្ដិសុខផ្សារ និងសមត្ថកិច្ចឃាត់បាន យកចុះមកក្រោម ស្រាប់តែបុរសរូបនោះ រត់ទៅអារ.កខ្លួនឯង ម្តងទៀតដើម្បីសម្លាប់ខ្លួន ត្រូវបានសមត្ថកិច្ចទាក់ទងហៅរថយន្តសាមុយ មកដឹកយកទៅសង្គ្រោះបន្ទាន់ភ្លាមៗ បង្កការភ្ញាក់ផ្អើលកាលពីវេលាម៉ោង ៣ ទៀបភ្លឺ ឈានចូលថ្ងៃទី៧ ខែកក្កដា ឆ្នាំ២០២១ ក្នុងសង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ។
តាមប្រភពព័ត៌មានពីសមត្ថកិច្ចបានឲ្យដឹងថា ដំបូងឡើយមានជនសង្ស័យម្នាក់ បានធ្វើឡើងទៅលើផ្សារអូឬស្សីជាន់ទី២ បម្រុងនឹងលោត តែត្រូវបានសន្តិសុខ និងសមត្ថកិច្ចរបស់អធិការនគរបាលខណ្ឌដូនពេញ ឃាត់ខ្លួននាំមកខាងក្រោម ស្រាប់តែភ្លាមនោះ ជនរងគ្រោះក៏បានដើរឆ្លងផ្លូវ ៦៣ ស្ថិតនៅក្នុងសង្កាត់ផ្សារថ្មី៣ ខណ្ឌដូនពេញពេញ យកកាំបិតមកអារ.កខ្លួនឯងដើម្បីសម្លាប់ខ្លួនត្រូវបានសមត្ថកិច្ចទំនាក់ទំនងហៅរថយន្តសាមុយ មកដឹកយកទៅសង្គ្រោះបន្ទាន់ភ្លាមៗនៅមន្ទីរពេទ្យកាល់ម៉ែត្រ ៕
