បន្ទាយមានជ័យ ៖ រថយន្តហ្វូតសេរីទើបបានបុកម៉ូតូអូសរម៉កបណ្តាលរបួសធ្ងន់ស្រាល២នាក់នៅវេលាម៉ោង១១,៣០នាទីថ្ងៃទី០៥ ខែកក្តដា ឆ្នាំ២០២១តាមបណ្តោយផ្លូវជាតិលេខ៦ស្ថិតភូមិសាលាក្រៅ សង្កាត់ភ្នៀត ក្រុងសិរីសោភ័ណ។

មន្ត្រីនគរបាលចរាចរណ៍ផ្លូវគោកខេត្តបន្ទាយមានជ័យបានប្រាប់ថា៖នៅពេលគ្រោះថ្នាក់ចរាចរណ៍កើងឡើងមានអ្នកបើកបរម៉ូតូអូសរម៉កបានបើកបរក្នុងទឹសដៅពីកើតទៅលិចហើយមានរថយន្តហ្វូតសេរីទំនើបដែលពាក់ផ្លាក់លេខភ្នំពេញ2BK.9507បានបើកបរស្របទឹសគ្នាហើយអ្នកបើកបរម៉ូតូអូសរម៉កបានបើកបរហើយប្តូរគន្លងបត់ឆ្វេងខ្វៈការប្រុងប្រយ័ត្នត្រូវរថយន្តបុកបណ្តាលរម៉កក្រឡប់ផ្ងារជើងបណ្តាលរបួសធ្ងន់ម្នាក់និងស្រាលម្នាក់ត្រូវបានសង្គ្រោះបន្ទាន់។

មន្ត្រីនគរបាលបានបញ្ជាក់ថា៖ក្រោយទទួលព័ត៌ហើយកម្លាំងជំនាញបានចុះទៅពិនិត្យវាស់វែងគឺគ្រោះថ្នាក់ចរាចរណ៍កើតឡើងបង្ករដោយម៉ូតូអូសរម៉កដែលបត់ឆ្វេងត្រូវរថយន្តហ្វូតបុកបណ្តាលក្រឡាប់និងរបួសធ្ងន់ស្រាល២នាក់ម្នាក់ជាអ្នកបើកបរគោយន្តកន្ត្រៃម្នាក់ទៀតរួមដំណើរជាមួយហើយបណ្តាលខូចខាតរថយន្តហ្វូតសេរីទំនើបផ្នែកខាងមុខនិងម៉ូតូរម៉កក្រឡាប់ខូចខាតក្រោយពេលវាស់វែងត្រូវបានយកមករក្សាទុកនៅស្នងការដ្ឋាននគរបាលខេត្តបន្ទាយមានជ័យដើម្បីដោះស្រាយតាមច្បាប់៕ដោយ៖ចិន្ត្រា