ខេត្តកំពត ៖ ឃ្លាំងដាក់សម្ភារៈរបស់សាលាអនុវិទ្យាល័យរោងចក្រស៊ីម៉ង់ត៍ចក្រីទីង ត្រូវបានអគ្គីភ័យឆាបឆេះយ៉ាងសន្ធោសន្ធៅ បង្កការភ្ញាក់ផ្អើលដល់សមត្ថកិច្ច រួមទាំងរថយន្តពន្លត់អគ្គិភ័យចុះមកធ្វើការបាញ់ពន្លត់ កាលពីវេលាម៉ោង ១និង ៣០នាទីរសៀល ថ្ងៃទី ៧ ខែ កក្កដា ឆ្នាំ ២០២១ ក្នុងភូមិដំណាក់ហ្លួង ឃុំព្រៃថ្នង ស្រុកទឹកឈូ ខេត្តកំពត។

ក្នុងនោះអគ្គិភ័យនេះ បានឆេះបន្ទប់ថ្ម ឃ្លាំងដាក់សម្ភារៈ១បន្ទប់ ឆេះទ្វារ បង្អួច តុនិងឯកសារចាស់ៗជាច្រើន ក្តារខៀនមួយ ។

ចំណែកមូលហេតុ សមត្ថកិច្ចបានឲ្យដឹងថា បណ្តាល មក ពី ទុស្សេខ្សែភ្លើង និងបានប្រើប្រាស់ឡានទឹករបស់ក្រុមហ៊ុនរោងចក្រស៊ីម៉ងត៍អស់ចំនួន ០២ឡាន ទើបរលត់ទាំងស្រុងនៅវេលាម៉ោង ២រសៀលថ្ងៃដដែល៕ ប្រភព៖ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ