រាជធានីភ្នំពេញ ៖ រថយន្តចំនួន២គ្រឿង បើកបរខ្វះការប្រុងប្រយត្ន័ បានបុកគ្នា បណ្តាលឲ្យរងការខូចខាត ទាំងសងខាង ដោះស្រាយគ្នាមិនចេញ បង្កការភ្ញាក់ផ្អើលដល់សមត្ថកិច្ច កាលពីវេលាម៉ោង១០ យប់ ថ្ងៃទី៩ខែកក្ដដា ឆ្នាំ២០២១ នៅតាមផ្លូវ ៦០៦ សង្កាត់បឹងកក់ទី១ ខណ្ឌទួលគោក រាជធានីភ្នំពេញ ។

យោងតាមប្រភពព័ត៌មានពីបងប្អូនប្រជាពលរដ្ឋបានឲ្យដឹងថា មុនពេលកើតហេតុ គេបានឃើញរថយន្តហាយឡែនឌ័រមួយគ្រឿង ពាក់ស្លាកលេខ ភ្នំពេញ 2AS-0950 បើកបរក្នុងទិសដៅពីកើតមកលិច មកដល់ចំណុចកើតហេតុ ផ្លូវបំបែកជាបួន ក៏បានបុកគ្នាជាមួយនឹងរថយន្តកាមរីបាឡែន មួយគ្រឿង ដែលពាកស្លាកលេខ ភ្នំពេញ 1Q-0495 ពេញមួយទំហឹងប ណ្ដាលឲ្យរងការខូចខាតយ៉ាងដំណំ និងមានការជជែកគ្នារកខុសត្រូវតឹងសសៃក ផ្អើលសមត្ថកិច្ចចុះមកជួយសម្រួល ដើម្បីបញ្ចប់រឿងនៅកន្លែងកើតហេតុតែម្តង៕