រាជធានីភ្នំពេញ ៖ មានការភ្ញាក់ផ្អើលទាំងយប់ ខណៈបុរសម្នាក់បានស្លាប់ក្នុងថ្លុកឈាមយ៉ាងរន្ធត់ និងម្នាក់ទៀតរងរបួសធ្ងន់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ បន្ទាប់ពីបានជិះម៉ូតូឌុបគ្នា ក្នុងល្បឿនលឿនទៅបុកឃឿនសួន ពេញទំហឹង កាលពីវេលាម៉ោងជិត១២យប់ ថ្ងៃទី៩ ខែកក្កដា ឆ្នាំ២០២១ នៅក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។

តាមប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុ គេឃើញបុរស២នាក់ ជិះម៉ូតូម៉ាកហុងដា wave ពាក់ស្លាកលេខ តាកែវ 1X-9261 ឌុបគ្នាចុះពីស្ពានព្រះមុនីវង្សយ៉ាងលឿន បានទៅបុកនឹងឃឿនក្រោមស្ពានអាកាសក្បាលខ្នល់ បណ្ដាលអោយម្នាក់រងរបួសធ្ងន់ និងម្នាក់ទៀតស្លាប់នៅនឹងកន្លែង បង្កការភ្ញាក់ផ្អើលដល់បងប្អូនប្រជាពលរដ្ឋ និងសមត្ថកិច្ចចុះមកធ្វើការវាស់វែង យកម៉ូតូទៅរក្សាទុកនៅអធិការដ្ឋាននគរបាលខណ្ឌចំការមន និងប្រគល់សពឲ្យសាច់ញាតិធ្វើបុណ្យតាមប្រពៃណី៕