រាជធានីភ្នំពេញ ៖ មានការភ្ញាក់ផ្អើលមួយបានកើតឡើង ដោយប្រជាពលរដ្ឋបានប្រទះឃើញសាកសពបុរសម្នាក់ ស្លាប់បាត់បង់ជីវិតនៅលើផ្លូវ ១០៤ សង្ស័យជាករណីគ្រោះថ្នាក់ចរាចរណ៍ចរាចរណ៍ ក៏ប្រញាប់រាយការណ៍ជូនសមត្ថកិច្ចចុះមកទីតាំងកើតហេតុភ្លាមៗ កាលពីវេលាម៉ោង៥ និង៣០ នាទីទាបភ្លឺ ឈានចូលថ្ងៃទី១០ ខែកក្កដាឆ្នាំ២០២១ នៅតាមបណ្តោយផ្លូវ១០៤ ស្ថិតនៅក្នុងភូមិ ចំពុះក្អែក សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ។

សាកសពដែលស្លាប់ខាងលើនេះ នៅមិនទាន់ស្គាល់អត្តសញ្ញាណនៅទ្បើយទេ ។

ក្នុងនោះ តាមប្រភពព័ត៌មានពីបងប្អូនប្រជាពលរដ្ឋបានប្រាប់ក្រុមការងារTVFBឲ្យដឹងថា មុនពេលកើតហេតុវេលាម៉ោង២ រំលងអាធ្រាត្រ គេលឺសំទ្បេងឆ្កែព្រុសខ្លាំងៗ លុះមកដល់ម៉ោង៥និង៣០នាទី ក៏បងប្អូនប្រជាពលរដ្ឋបាន បើកទ្វារចេញមកខាងក្រៅផ្ទះក៏ឃើញសាកសពបុរសម្នាក់បានស្លាប់បាត់បង់ជីវិតនៅនឹងកណ្តាលផ្លូវបាត់ទៅហើយ សង្ស័យជាករណីគ្រោះថ្នាក់ចរាចរណ៍ ក៏ប្រញាប់រាយការណ៍ជូនកម្លាំងសមត្ថកិច្ចជំនាញនគរបាល ចរាចរណ៍ខណ្ឌច្បារអំពៅចុះទៅដល់ទីតាំងកន្លែងកើតហេតុនិងបើកការស្រាវជ្រាវ កាមេរ៉ាសុវត្ថិភាព។

សមត្ថកិច្ចបានឲ្យដឹងថា ករណីនេះ ពិតជាករណីគ្រោះថ្នាក់ចរាចរណ៍ពិតមែន និងបានហៅរថយន្តដឹកសាកសពខាងលើនេះយកមករក្សាទុក វត្តទឹកថ្លា រង់ចាំស្រាវជ្រាវរកក្រុមគ្រួសារយកទៅធ្វើបុណ្យតាមប្រពៃណី ៕