បន្ទាយមានជ័យ៖ឃាត់ខ្លួនជនសង្ស័យប្រុស.ស្រី៦នាក់ជួបជុំគ្នាប្រើប្រាស់គ្រឿងញៀនល្មើសច្បាប់ត្រូវបានបញ្ជូនទៅសាលាដំបូងខេត្តបន្ទាយមានជ័យដើម្បីអនុវត្តតាមច្បាប់នៅថ្ងៃទី១៣ ខែកក្តដា ឆ្នាំ២០២១។
កម្លាំងនគរបាលការិយាល័យប្រឆាំងគ្រឿងញៀនខេត្តបន្ទាយមានជ័យបានប្រាប់ថា៖ជនសង្ស័យដែលត្រូវឃាត់ខ្លួន៦នាក់មាន១.ឈ្មោះ វ៉នសារ៉ន ភេទប្រុសអាយុ៣៨ឆ្នាំ ២.ឈ្មោះ បូ អូនតូច ភេទប្រុសអាយុ២៥ឆ្នាំ ៣.ឈ្មោះ ឈុំ កែប ភេទប្រុសអាយុ៣៣ឆ្នាំ ៤.ឈ្មោះ ណាក់
នី ភេទប្រុសអាយុ៣៥ឆ្នាំ ៥.ឈ្មោះ ឃុនពន្លឺ ភេទប្រុសអាយុ៣៧ឆ្នាំ ៦.ឈ្មោះ ទឹម ដានី ភេទប្រុសអាយុ៣៥ឆ្នាំជនសង្ស័យរស់នៅភូមិបី សង្កាត់ព្រៈពន្លា ក្រុងសិរីសោភ័ណ។
កម្លាំងនគរបាលបានបញ្ជាក់ថា៖នៅពេលឃាត់ខ្លួនជនសង្ស័យគឺកម្លាំងនគរបាលជំនាញបានទទួលព័ត៌មានពីអាជ្ញាធរមូលដ្ឋានហើយកម្លាំងបានចុះបង្ក្រាបឃាត់ខ្លួនជនសង្ស័យ៦នាក់ស្រីម្នាក់និងរឹបអូសវត្ថុតាងប្រើប្រាស់គ្រឿងញៀននិងម៉ូតូនៅវេលាម៉ោង១.៣០នាទីកាលពីថ្ងៃទី១២ ខែកក្តដា ឆ្នាំ២០២១នៅចំណុចរោងទុកចោលក្បែរសួនស្ថិតភូមិបី សង្កាត់ព្រៈពន្លា ក្រុងសិរីសោភ័ណ។
ក្រោយឃាត់ខ្លួនជនសង្ស័យទាំង៦នាក់និងវត្ថុតាងត្រូវបានបញ្ជូនទៅការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តបន្ទាយមានជ័យដើម្បីចាត់ការតាមច្បាប់៕ដោយ៖ចិន្ត្រា
