រាជធានីភ្នំពេញ ៖ ម៉ូតូ២គ្រឿង ក្នុងនោះមានម៉ូតូស្កុបពី និងម៉ូតូហុងដាPCX ត្រូវរងការខូចខាត បន្ទាប់ពីជិះបុកគ្នាពីក្រោយ ខណៈមានរថយន្តឡិចស៊ីសមួយគ្រឿងបើកបត់ត្រឡប់ក្រោយភ្លាមៗ បង្កការភ្ញាក់ផ្អើលកាលពីវេលាម៉ោង១រសៀល ថ្ងៃទី១៦ ខែកក្កដា ឆ្នាំ២០២១ ស្ថិតនៅលើបណ្តោយផ្លូវកម្ពុជាក្រោម ក្នុងសង្កាត់មិត្តភាព ខណ្ឌ៧មករា រាជធានីភ្នំពេញ។

តាមប្រភពពីកន្លែងកើតហេតុបានឲ្យដឹងថា នៅពេលកើត មានរថយន្តឡិចស៊ីស មួយគ្រឿងមិនចាំស្លាកលេខ ធ្វើដំណើរតាមបណ្តោយផ្លូវកម្ពុជាក្រោម ក្នុងទិសដៅពីលិចទៅកើត ខណៈមកដល់ចំណុចកើតហេតុក៏បានត្រឡប់ក្រោយវិញ ខណៈនោះមានម៉ូតូហុងដាស្កុបពីមួយគ្រឿង ជិះដោយបុរសម្នាក់ជាអ្នកដឹកទំនិញ បានវ៉ាក់អឺនិងរថយន្តខាងលើ ក៏បានចាប់ហ្វ្រាំងភ្លាមៗម្តង ក៏ត្រូវបានម៉ូតូហុងដា PCX ពាក់ស្លាកលេខ ភ្នំពេញ 1IG-9938 ជិះដោយបុរសម្នាក់ស្របគ្នាពីក្រោយ ចាប់ហ្វ្រាំងមិនទាន់ជ្រុល បុកពីក្រោយម៉ូតូស្កូបពីពេញទំហឹង បណ្តាលឲ្យដួលទៅនិងថ្នល់ រងការខូចខាតទាំងសងខាង តែមិនមានអ្នករងរបួសធ្ងន់ធ្ងន់ឡើយ។ ចំណែករថយន្តឡិចស៊ីសវិញ ក៏បានបត់ត្រឡប់ក្រោយរួចឆ្ពោះទៅមុខបន្តទៅ។

បន្ទាប់ពីកើតហេតុរួច ភាគីទាំងសងខាងបានធ្វើការសម្របសម្រួលគ្នានៅនិងកន្លែង ដើម្បីបញ្ចប់រឿង។