បាត់ដំបង៖ ជនសង្ស័យចំនួន២នាក់ រួមជាមួយនិងគ្រឿងញៀន ចំនួន១០ថង់ មានទម្ងន់ ៤,៤១ក្រាមទាំងសំបក ត្រូវសមត្ថកិច្ចខេត្តបាត់ដំបងបង្ក្រាបបាន កាលពីវេលាម៉ោង ៨ និង៣០នាទី ព្រឹកថ្ងៃទី១៨ ខែមីនា ឆ្នាំ២០២១ នៅចំណុចក្រុមទី ១៤ភូមិអង់ជើង ឃុំតាម៉ឺន ស្រុកថ្មគោល ខេត្តបាត់ដំបង។
សមត្ថកិច្ចបញ្ជាក់ថា ជនសង្ស័យទាំង២នាក់នេះរួមមាន ៖
ទី១-ឈ្មោះ រឿត ជួន ភេទប្រុស អាយុ២៦ឆ្នាំ នៅភូមិគោកឃ្មុំ ឃុំតាម៉ឺន ស្រុកថ្មគោល ខេត្តបាត់ដំបង (មានដីកាបង្គាប់ឱ្យនាំខ្លួនស្រាប់ ) ។
ទី២-ឈ្មោះ ជា ប្រសើរ ភេទប្រុស អាយុ៣០ឆ្នាំ រស់នៅភូមិកៀនកែស១ ឃុំគោកឃ្មុំ ស្រុកថ្មគោល ខេត្តបាត់ដំបង។
ក្នុងនោះវត្ថុតាងដកហូតបានរួមមាន៖ ម្សៅក្រាមពណ៌សថ្លា ច្រកក្នុងថង់ ប្លាស្ទិក ពណ៌សថ្លាចំនួន ១០ថង់ មានទម្ងន់ ៤,៤១ក្រាម ទាំងសំបក សង្ស័យមានសារធាតុញៀនប្រភេទមេតំហ្វេតាមីន , ទូរសព្ទ័ចំនួន០២គ្រឿង (ចាស់) , ដែកកេះចំនួន០១ និងម៉ូតូចិនចំនួន០១គ្រឿង។
ពេលនេះសមត្ថកិច្ចកំពុងធ្វើការស្រាវជ្រាវដើម្បីបញ្ជូនជនសង័្សយនិងវត្ថុតាងមកកាន់ការិយាល័យជំនាញនៅស្នងការដ្ឋានដើម្បីចាត់ការបន្តតាមផ្លូវច្បាប់៕
