ខេត្តព្រះសីហនុ ៖ ជនសង្ស័យចំនួន២នាក់ ត្រូវបានសមត្ថកិច្ចក្រុងព្រះសីហនុ ធ្វើការចាប់ឃាត់ខ្លួន ក្រោយធ្វើសកម្មភាពលួចកាច់សោកម៉ូតូរបស់ប្រជាពលរដ្ឋមួយគ្រឿង តែមិនបានសម្រេច កាលពីវេលាម៉ោង ៥ព្រឹក ថ្ងៃទី១៥ ខែកក្កដា ឆ្នាំ២០២១ នៅចំណុចមុខអាគារបុគ្គលិក កាស៊ីណូណាន់ហៃ ក្រុមទី៤ ភូមិ១ សង្កាត់លេខ៣ ក្រុង.ខេត្តព្រះសីហនុ។

លោក តី វិសាល អធិការក្រុងព្រះសីហនុបានឲ្យដឹងថា ជនសង្ស័យទាំង០២នាក់ដែលឃាត់ខ្លួនបាន រួមមាន៖

១-ឈ្មោះ វ៉ាន់ នឿន ភេទ ប្រុស អាយុ ៣១ឆ្នាំ មុខរបរមិនពិតប្រាកដ ស្នាក់នៅ ភូមិ៦ សង្កាត់លេខ៤ ក្រុង.ខេត្ត ព្រះសីហនុ។

២-ឈ្មោះ បូយ ចាន់ណា ភេទ ប្រុស អាយុ ២៩ឆ្នាំ មុខរបរ លក់សាច់ឆ្កែ ស្នាក់នៅ បន្ទប់ជួលក្រោយញ៉ូវស៊ីន ក្រុម១៧ ភូមិ១ សង្កាត់លេខ១ ក្រុង.ខេត្ត ព្រះសីហនុ។

ក្នុងនោះសមត្ថកិច្ចដកហូតបាន វត្ថុតាងរួមមាន៖ ម៉ូតូ ០១គ្រឿងម៉ាកនិច ពណ៌ ស ពាក់ស្លាកលេខ កំពត 1L-7828 , ដែកសម្រាប់កាច់បំបែកសោក ម៉ូតូ ចំនួន ០៣ និងសម្ភារ:មួយចំនួន។

លោក តី វិសាល អធិការក្រុងព្រះសីហនុបានឲ្យដឹងថា បានឲ្យដឹងទៀតថា រយ:កាលកន្លងមកជនសង្ស័យទាំង០២នាក់ខាងលើ ធ្លាប់ធ្វើសកម្មភាព លួចកាច់សោរ ក ម៉ូតូ យ៉ាងសកម្ម ក្នុងភូមិសាស្រ្ត ក្រុងព្រះសីហនុ ខេត្តព្រះសីហនុ ថែមទៀតផង។

បច្ចុប្បន្នជនសង្ស័យទាំង០២នាក់ខាងលើ កំពុងឃាត់ខ្លួននៅអធិការដ្ឋាននគរបាលក្រុងព្រះសីហនុ ដើម្បីរៀបចំកសាងសំណុំរឿងបញ្ជូនទៅសាលាដំបូងខេត្តព្រះសីហនុ ចាត់ការទៅតាមផ្លូវច្បាប់ ៕