រាជធានីភ្នំពេញ ៖ កម្លាំងប៉ុស្តិ៍នគរបាលតាខ្មៅ សហការជាមួយកម្លាំងអន្តរាគមន៍ របស់អធិការដ្ឋាននគរបាលក្រុងតាខ្មៅ ឈានទៅដល់ការឃាត់ខ្លួនបុរស២នាក់ ពាក់ព័ន្ធករណីរក្សារទុកនិងជួញដូរគ្រឿងញៀន នៅចំណុចផ្ទះជួលមួយកន្លែង ស្ថិតក្នុងភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល កាលពីយប់ថ្ងៃទី១៦ ខែកក្កដា ឆ្នាំ២០២១ បន្ទាប់ពីរកឃើញគ្រឿងញៀន៣កញ្ចប់ធំ ខ្ចប់ថង់ខ្មៅ លាក់ទុកក្រោមកែបម៉ូតូ Scoopy រួចបញ្ជូនទៅសាកសួរ នៅអធិការដ្ឋាននគរបាលក្រុងតាខ្មៅទាំងយប់។

សមត្ថកិច្ចបានឲ្យដឹងថា ជនសង្ស័យជិះម៉ូតូ Scoopy ដែលមានគ្រឿងញៀន៣កញ្ចប់ធំនោះ មានឈ្មោះ វាន ឌី ស្នាក់នៅផ្ទះជួល មុខរបរមិនពិតប្រាកដ ស្នាក់នៅសង្កាត់តាខ្នៅ ក្រុងតាខ្នៅ ។ ចំណែកជនសង្ស័យម្នាក់ទៀតមិនទាន់ស្គាល់អត្តសញ្ញាណនៅឡើយ ព្រោះសមត្ថកិច្ចកំពុងសាកសួរបន្ត។

ក្រោយពេលកើតហេតុ សមត្ថកិច្ចបាននាំជនសង្ស័យទាំង២នាក់ទៅកាន់បន្ទាប់ជួល ដើម្បីឆែកឆេរកវត្ថុតាងបន្ថែមទៀត រួចបញ្ជូនជនសង្ស័យរួមទាំងវត្ថុតាង យកទៅកាន់អធិការដ្ឋានក្រុងតាខ្មៅ ដើម្បីចាត់ការតាមច្បាប់បន្តទៀត៕