ខេត្តកំពង់ស្ពឺ ៖ បុរសម្នាក់ ត្រូវបានសមត្ថកិច្ចឲ្យដឹងថា ជាមនុស្សបែកថ្នាំ រស់នៅតែម្នាក់ឯង បានធ្វើសកម្មភាពដុតផ្ទះខ្លួនឯង ឆេះយ៉ាងសន្ធោសន្ធៅ អស់ទាំងស្រុង បង្កការភ្ញាក់ផ្អើលកាលពីវេលាម៉ោង ២រសៀល ថ្ងៃទី១៦ ខែកក្កដា ឆ្នាំ២០២១ នៅភូមិត្រពាំងរនះ ឃុំជង្រុក ស្រុកគងពិសី ខេត្តកំពង់ស្ពឺ ។

សមត្ថកិច្ចបានឲ្យដឹងថា ផ្ទះដែលឆេះនេះមានម្ចាស់ឈ្មោះ សឿង សុភ័ណ្ឌ ភេទ ប្រុស អាយុ ២៧ ឆ្នាំ រស់នៅភូមិត្រពាំងរនះ ឃុំជង្រុក ស្រុកគងពិសី ខេត្តកំពង់ស្ពឺ ។

អគ្គិភ័យនេះបាន ឆេះផ្ទះអស់ចំនួន០១ខ្នង ទំហំ ៤X៥ ម៉ែត្រ ធ្វើពីឈើប្រកស័ង្កសីជញ្ជាំងស្លឹក និង ឆេះអង្ករអស់ចំនួន ១៥ គីឡូក្រាម ។

ចំណែកមូលហេតុសមត្ថកិច្ចបានឲ្យដឹងថា បណ្ដាលមកពីម្ចាស់ផ្ទះ ឈ្មោះសឿង សុភ័ណ្ឌ ជាអ្នកដុត (បែកថ្នាំគាត់រស់នៅតែម្នាក់ឯង) ៕ នាយកដ្ឋាននគរបាលបង្ការពន្លត់អគ្គិភ័យនិងសង្គ្រោះ នៃអគ្គស្នងការដ្ឋាននគរបាលជាតិ