រាជធានីភ្នំពេញ កម្លាំងអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វនិងផលិតកម្មសត្វ សហការជាមួយស្ថាប័នពាក់ព័ន្ធ បានឃាត់រថយន្ត ដឹក សាច់ជ្រូកកាប់ចិញ្ច្រាំជាកង់ៗរួចជាស្រេចដាក់ក្នុងធុងស្នោ និងប្រហិតចម្រុះសរុបចំនួន៤.០០០គីឡូក្រាម(៤តោន) ដែលដឹកតាមរថយន្ត១គ្រឿងនាំចូលមកពីប្រទេសថៃ តាមច្រកអន្តរជាតិប៉ោយប៉ែត នៅ វេលាម៉ោង៩ និង៤១នាទីព្រឹក ថ្ងៃទី១៧ ខែកក្កដា ឆ្នាំ២០២១ ស្ថិតក្នុងភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ។

សមត្ថកិច្ចបានឲ្យដឹងថា រថយន្តខាងលើម៉ាក ISUZU ពណ៌ស ពាក់ស្លាកលេខ THAILAND 81-9741 ដោយបានដឹកជញ្ជូនលើសពីចំនួនដែលបានស្នើសុំនៅក្នុងលិខិតអនុញ្ញាត។

ក្រុមការងារបានបញ្ជូនវត្ថុតាងនិងបទល្មើសខាងលើនេះ ទៅរក្សាទុកនៅមន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ ចាត់ការទៅតាមនីតិវិធីច្បាប់ ៕ រូបភាព៖ អគ្គស្នងការដ្ឋាននគរបាលជាតិ