រាជធានីភ្នំពេញ ៖ ករណីគ្រោះថ្នាក់ចរាចណ៍មួយបានកើតឡើង រវាងរថយន្តសណ្តោងរ៉ឺម៉ក បានបុកបន្តកន្ទុយគ្នារហូតដល់ទៅ៣តង់ បណ្តាលឲ្យរងការខូចខាតយ៉ាងដំណំ នៅតាមបណ្តោយផ្លូវ វេងស្រេង ក្នុងសង្កាត់ចោមចៅទី២ ខណ្ឌពោធិសែនជ័យ រាជធានីភ្នំពេញ កាលពីវេលាម៉ោង ៩ព្រឹកថ្ងៃទី ១៩ ខែ កក្កដា ឆ្នាំ២០២១ ។

តាមប្រភពពីសមត្ថិកិច្ចបានប្រាប់ក្រុមការងារ TVFB ឲ្យដឹងថា រថយន្តទាំង៣គ្រឿងបានបើកបរស្របទិសគ្នា នៅខណៈនោះក៍ស្រាប់មានរថយន្តប្រភេទសណ្តោងក្បាល ពណ៌ត្រួយចេក ពាក់ស្លាកលេខ ភ្នំពេញ 3C-6315 បើកបរក្នុងល្បឿនលឿន មកដល់ចំនុចកើតហេតុខាប់ហ្វ្រាំងមិនស៊ី ក៏បានបុកពីក្រោយរថយន្តហាយឡែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ2AA-3931 បណ្តាលឲ្យរងការខូចខាតផ្នែកខាងក្រោយ។ ចំណែករថយន្ត១គ្រឿងទៀតពណ៌ត្រេអ៊ី រងការខូចខាតស្តុបចង្កៀងខាងក្រោយផ្នែកចំហៀងខាងឆ្វេង និងមិនបណ្តាលឲ្យមានមនុស្សរងរបួសនោះទេគ្រាន់តែរងការខូចខាតរថយន្ត។

ក្រោយពីកើតហេតុសមត្ថកិច្ចជំនាញចរាចរណ៍ បានចុះទៅដល់ទីតាំងកើតហេតុខាងលើ និងបានឲ្យម្ចាស់រថយន្តទាំង៣គ្រឿងសម្របសម្រួល ដើម្បីបញ្ចាប់រឿងនៅកន្លែងកើតហេតុ ៕ មេសា