រាជធានីភ្នំពេញ ៖ រថយន្តស៊េរីទំនើបម៉ាកBMW i8 មួយគ្រឿង បានខ្ទេចក្បាលខាងមុខស្រុញចូលគ្នា ខណៈបើកទៅបុកជាមួយនឹងរថយន្តព្រូស ពីក្រោយពេញទំហឹង កាលពីវេលាម៉ោង២រំលងអធ្រាត្រ ឈានចូលថ្ងៃទី២០ ខែកក្កដា ឆ្នាំ២០២១ នៅលើស្ពានជ្រោយចង្វា ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។

តាមប្រភពព័ត៌មានពីម្ចាស់រថយន្តព្រូស បានឲ្យដឹងថា មុនពេលកើតហេតុរថយន្តរបស់គាត់ នៅលើស្ពានជ្រោយចង្វា ពេលនោះក៏ត្រូវបានរថយន្ត BMW i8 ស៊េរីទំនើប ដែលជារថយន្តរបស់ពួកម៉ាកគាត់ បានបុកចំពីក្រោយពេញមួយទំហឹង បណ្ដាលឲ្យរថយន្តBMW i8 ដែលពាក់ស្លាកលេខ កម្ពុជា Mr TOMMY រងការខូចខាតយ៉ាងដំណំផ្នែកខាងមុខ ។

ដោយសារជាមិត្តនឹងគ្នា មិនចង់មានរឿងវែងឆ្ងាយ ភាគីរថយន្តទាំង២ បាននាំគ្នាបើករថយន្ត យកទៅជួសជុលនៅការ៉ាស់ បាត់ពីកន្លែងកើតហេតុ ៕