រាជធានីភ្នំពេញ ៖ ដើមក្ងោកមួយដើមត្រូវរលំបាក់ដល់ឬសគល់ ដោយសារតែខ្យល់កន្ទ្រាក់មកសង្កត់លើរថយន្តចំនួន២គ្រឿង រងការខូចខាតបន្តិចបន្តួច កាលពីវេលាម៉ោង១រសៀល ថ្ងៃទី១៩ ខែ កក្កដា ឆ្នាំ ២០២១ នៅចំណុចជាប់និងរបងសាលាបឋមសិក្សាទួលស្វាយព្រៃ តាមផ្លូវលេខ២០៣ សង្កាត់ទួលស្វាយព្រៃទី២ ខណ្ឌបឹងកេងកង ។

តាមប្រភពព័ត៌មានពីកន្លែងកើតហេតុបានប្រាប់ឲ្យដឹងថា ករណីដែលដើមឈើបាក់រលំនេះគឺដោយសារតែមានខ្យល់កន្ទ្រាក់យ៉ាងខ្លាំង បានបោកបក់ រហូតធ្វើឲ្យបាក់ដល់ឬសគុល រួចរលំមកសង្កត់មកលើរថយន្តចំនួន២គ្រឿង ដែលក្នុងនោះមានរថយន្តម៉ាក សាំយ៉ុង ពណ៌លឿង ស្លាកលេខ កណ្ដាល 2C 9569 ត្រូវដើមឈើសង្កត់លើបណ្ដាលឲ្យកំពិតដំបូល និង រថយន្តមួយគ្រឿងទៀត ម៉ាក ហ៊ីយ៉ាន់ដាយ ពណ៌ស ស្លាកលេខ ភ្នំពេញ 3D 7433 រងការខូចខាតបាក់កញ្ចាក់ខាងស្ដាំធ្លាក់ដល់ដី ។

ក្រោយពេលកើតហេតុ សមត្ថកិច្ចមូលដ្ឋាននិងមន្ត្រីគណៈបញ្ជាការឯកភាពខណ្ឌបឹងកេងកង បានយកម៉ាស៊ីនរណា មកអារកាត់មេឃឈើជាកង់ៗ យកចេញដើម្បីអោយប្រជាពលរដ្ឋងាយស្រួលធ្វើចរាចរណ៍តាមធម្មតាវិញ ៕