រាជធានីភ្នំពេញ ៖ បុរសម្នាក់ បានបើករថយន្ដម៉ាក RANGE ROVER ស៊េរីទំនើបមួយគ្រឿង បុកកង់បីឥណ្ឌា ពេញទំហឹង បណ្តាលឲ្យរងការខូចខាតយ៉ាងដំណំ កាលពីវេលាម៉ោងជិត៩យប់ ថ្ងៃទី២១ ខែកក្កដា ឆ្នាំ២០២១ នៅតាមបណ្ដោយផ្លូវ ២១៤ កែងផ្លូវ៥១ ក្នុងសង្កាតបឹងរាំង ខណ្ឌដូនពេញ រាជធានីភ្នំពេញ។

តាមប្រភពព័ត៌មាននៅកន្លែងកើតហេតុ បានឲ្យដឹងថា ដំបូងឡើយគេឃើញបុរសម្នាក់ បើករថយន្តស៊េរីទំនើប មួយគ្រឿង ម៉ាក RANGE ROVER ពាក់ស្លាកលេខ ភ្នំពេញ 2AQ-2666 បានបើកមកបុករម៉កកង់បីឥណ្ឌា បណ្ដាលឲ្យរងការខូចខាត និងម្ចាស់កង់បី រងរបួសបែកក្បាលហូរឈាម ស្រោចពេញខ្លួន ។

ក្រោយកើតហេតុហើយនោះ គេឃើញម្ចាស់រថយន្ត បានចុះមកដោះស្រាយគ្នាជាមួយនឹងអ្នកបើកបរកង់បីខាងលើ ដោយសងសំណងទៅឲ្យខាងកង់បី ១លានរៀល ដើម្បីបញ្ចប់រឿងផងដែរ ៕