រាជធានីភ្នំពេញ ៖ បុរសម្នាក់ បើករថយន្តសាំយ៉ុងមួយគ្រឿង រេចង្កូតបុកបង្គោលភ្លើង បាក់អស់ចំនួន ១ ដើម បណ្ដាលឲ្យរថយន្តរងការខូចខាតយ៉ាងដំណំ កាលណីវេលាម៉ោង២រំលងអាធ្រាត្រ ឈានចូលថ្ងៃទី២២ ខែកក្កដា ឆ្នាំ២០២១ តាមបណ្ដោយផ្លូវជាតិ៦អា ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។

តាមប្រភពព័ត៌មានពីតៃកុងរថយន្តសាំយ៉ុង ដែលពាក់ស្លាកលេខ ភ្នំពេញ 2X-3415 បានឲ្យដឹងថា គាត់បានបើករថយន្តពីត្បូងទៅជើង លុះមកដល់ចំណុចកើតហេតុ ក៏មេឃភ្លៀងយ៉ាងខ្លាំង ទើបរេចង្កូតបើកឡើងសួនច្បារពុះចែកផ្លូវ តាមបណ្តោយផ្លូវជាតិលេខ៦អា បុកបង្គោលប៉ាន់ណូ អស់ចំនួន ១ដើម ហើយរថយន្តក៏ដាច់កង់ បើកទៅមុខលែងរួច។

ក្រោយពីកើតហេតុ សមត្ថកិច្ចចរាចរណ៍ខណ្ឌជ្រោយចង្វា បានទាក់ទងសមត្ថកិច្ចជំនាញចរាចរណ៍របស់ស្នងការដ្ឋាននគរបាលរាជធានីភ្នំពេញ ធ្វើការវាស់វែង និងស្ទូចរថយន្តយកទៅរក្សាទុកនៅស្នងការដ្ឋាននគរបាលរាជធានីភ្នំពេញរ ង់ចាំម្ចាស់ចូលមកដោះស្រាយទៅតាមផ្លូវច្បាប់៕