ខេត្តតាកែវ ៖ កាលពីថ្ងៃពុធ ១២កេីត ខែទុតិយាសាឍ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី២១ ខែកក្កដា ឆ្នាំ២០២១ វេលាម៉ោង១៤ និង១០ នាទី ដោយ អនុវត្ត តាម បទបញ្ជា និង ការណែនាំ ចង្អុល បង្ហាញ ពី សំណាក់ ឯកឧត្តម ស្នងការ នគរបាល ខេត្ត តាកែវ កម្លាំងជំនាញអធិការដ្ឋាននគរបាលស្រុកសំរោង សហការជាមួយប៉ុស្តិ៍នគរបាលរដ្ឋបាល បឹងត្រាញ់ ខាងជើង បង្ក្រាបករណីចោរលួច រថយន្ត មួយករណី នៅចំណុច ផ្លូវ ជាតិ លេខ ៣ ចន្លោះ គីឡូម៉ែត្រ ៦១-៦២ ស្ថិត នៅ ក្នុង ភូមិ ខ្នាចខាង ត្បូង ឃុំ បឹងត្រាញ់ ខាងជើង ស្រុក សំរោង ។

សមត្ថកិច្ចបញ្ជាក់ថាការឃាត់ខ្លួនជនសង្ស័យ បានមួយនាក់ ឈ្មោះ ជួន វី ឡា ភេទ ប្រុស អាយុ ២៩ ឆ្នាំ ទីកន្លែង កំណើត នៅ ភូមិ យាយអុក ឃុំ ជ្រាំងម្ទេស ស្រុក ស្វាយ ទាប ខេត្ត ស្វាយរៀង ស្នាក់នៅ ផ្ទះ ជួល ក្នុង សង្កាត់ ចោមចៅ ទី១ ខណ្ឌ ពោធិ៍ សែន ជ័យ រាជធានី ភ្នំពេញ ដែល បាន ធ្វើ សកម្មភាព លួច រថយន្ត ម៉ាក TOYOTA TACOMA ពណ៌ ទឹក ប្រាក់ ស៊េរីឆ្នាំ ២០០០ ពាក់ស្លាកលេខភ្នំពេញ2AA 6339 របស់ ឈ្មោះ ឡោ ប៊ុន ថេង ភេទ ប្រុស អាយុ ២៩ ឆ្នាំ មាន ទីលំនៅ ភូមិ ក្របី ត្រាំ ឃុំ ជង្រុក ស្រុក គងពិសី ខេត្ត កំពង់ ស្ពឺ ខណៈ ពេល ដែល គាត់ ទុក រថយន្ត នៅក្រោយផ្ទះ ។

បច្ចុប្បន្នជនសង្ស័យ រួមនិងវត្ថុតាង កម្លាំងជំនាញកំពុងកសាងសំណុំរឿងបញ្ជូនទៅស្នង ការដ្ឋាន ដើម្បីចាត់ការតាមនីតិវីធី៕