រាជធានីភ្នំពេញ ៖ រថយន្តRange Rover ស៊េរីទំនើបមួយគ្រឿង បើកបរខ្វះការប្រុងប្រយត្ន័ បានរេចង្កូតទៅបុកបង្គោលភ្លើង បណ្តាលឲ្យរងការខូចខាតយ៉ាងដំណំ កាលពីវេលាម៉ោង ១០យប់ ថ្ងៃទី២២ ខែកក្កដា ឆ្នាំ២០២១ នៅតាមបណ្ដោយផ្លូវ ២០១១ ក្នុងសង្កាត់គោកឃ្លៀង ខណ្ឌសែនសុខ រាជធានីភ្នំពេញ។

តាមប្រភពព័ត៌មានពីសមត្ថកិច្ច បានឲ្យដឹងថា រថយន្ត Range Rover ស៊េរីទំនើប មួយគ្រឿង ដែលមិនមានស្លាកលេខ បើកបរដោយបុរសម្នាក់ ខ្វះការប្រុងប្រយ័ត្នក៏បានរេចង្កូតបានទៅបុកនឹងបង្គោលភ្លើងនៅតាមបណ្ដោយផ្លូវ៩២ បណ្ដាលឲ្យរងការខូចខាតទាំងរថយន្តនិងបង្គោលភ្លើង ស្ទើរតែទាំងស្រុង ។

ក្រោយកើតហេតុ សមត្ថកិច្ចមូលដ្ឋាន បានទាក់ទងទៅកាន់សមត្ថកិច្ចជំនាញចរាចរណ៍របស់ស្នងការដ្ឋាននគរបាលរាជធានីភ្នំពេញ ធ្វើការវាស់វែងនិងស្ទូចរថយន្តយកទៅរក្សាទុកនៅស្នងការនគរបាលរាជធានីភ្នំពេញ រង់ចាំម្ចាស់ចូលមកដោះស្រាយទៅតាមផ្លូវច្បាប់ ៕