រាជធានីភ្នំពេញ ៖ បុរសម្នាក់ បានបើករថយន្តFord Ranger ទៅបុកបង្គោលភ្លើង បណ្តាលឲ្យរងការខូចខាតយ៉ាងដំណំ បង្កការភ្ញាក់ផ្អើលដល់បងប្អូនប្រជាពលរដ្ឋ និងសមត្ថកិច្ចចុះមកធ្វើការពិនិត្យ កាលពីវេលាម៉ោង២រំលងអាធ្រាត្រ ឈានចូលថ្ងៃទី២៣ ខែកក្កដា ឆ្នាំ ២០២១ នៅចំណុចរង្វង់មូលវត្តភ្នំ ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។

តាមប្រភពព័ត៌មាន ពីម្ចាស់រថយន្ដបានឲ្យដឹងថា គាត់បើករថយន្ដ Ford Ranger មួយគ្រឿង ពាក់ស្លាកលេខ ភ្នំពេញ 2B-5363 ធ្វើដំណើរតាមរង្វង់មូលវត្តភ្នំ ក៏មានម៉ូតូគ្រឿងជិះកាត់មុខឡានគាត់ ភ្លាមនោះគាត់ក៏បានបើករថយន្ដគេច ទើបចង្កូតទៅបុកបង្គោលភ្លើង បណ្ដាលឲ្យរថយន្ដរបស់គាត់ខូចខាតយ៉ាងដំណំ តែម្តង។

ក្រោយពីកើតហេតុ សមត្ថកិច្ចមូលដ្ឋានបានទាក់ទងសមត្ថកិច្ចជំនាញចរាចរណ៍របស់ស្នងការដ្ឋាននគរបាលរាជធានីភ្នំពេញ ធ្វើការវាស់វែង និងស្ទូចរថយន្តយកទៅរក្សាទុកនៅស្នងការដ្ឋាននគរបាលរាជធានីភ្នំពេញ រង់ចាំម្ចាស់ចូលមកដោះស្រាយទៅតាមផ្លូវច្បាប់បន្តទៀត ៕