ខេត្តកោះកុង៖ ពិតជាសំណាង១ ក្នុង១០០០គ្រោះថ្នាក់ ២នាក់ប្តីប្រពន្ធគ្រាន់តែរងរបួសស្រាល ខណៈរថយន្តវិញ ខ្ទេចបំណែករប៉ាត់រប៉ាយពេញផ្លូវ ពេលកំពុងបើកបរសុខៗស្រាប់តែបែកកង់ ក្រឡាប់អូសតែម្តង។

ហេតុការណ៍នេះបានកើតឡើងនៅវេលាម៉ោង ៤ល្ងាច ថ្ងៃទី២២ ខែកក្កដា ឆ្នាំ២០២១ នៅលើផ្លូវជាតិលេខ៤៨ គីឡូម៉ែត្រ ១៨-១៩ ស្ថិតនៅក្នុងភូមិបានទៀត ឃុំដងពែង ស្រុកស្រែអំបិល ខេត្តកោះកុង ។

សមត្ថកិច្ចនគរបាលចរាចរណ៍ បានឲ្យដឹងថា រថយន្តដែលក្រឡាប់នេះ ម៉ាកសាំយ៉ុង ពណ៌សំបកឪឡឹក ផ្លាកលេខ ភ្នំពេញ 2AL-5017 បានបើកបរមកពីភ្នំពេញទៅកោះកុង ។

សមត្ថកិច្ចក៏បានបន្តទៀតថា នៅក្នុងហេតុការណ៍នេះ ក៏បានបណ្ដាលឲ្យរងរបួសស្រាល អ្នកបើកបរឈ្មោះ ខុម សារ៉ាត់ ភេទប្រុស អ្នករួមដំណើរត្រូវជាប្រពន្ធ ។ ចំណែកមូលហេតុ គឺដោយសាររថយន្តបែកកង់ខាងឆ្វេង ទើបបណ្តាលឲ្យក្រឡាប់តែម្តង ៕ ប្រភព៖ អគ្គស្នងការដ្ឋាននគរបាលជាតិ