រាជធានីភ្នំពេញ ៖ នារីរូបស្រស់ម្នាក់ បើករថយន្ដព្រូស ទៅបុកនឹងម៉ូតូមួយគ្រឿងទៀត បណ្ដាលឲ្យបុរសម្នាក់ រងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យ កាលពីវេលាម៉ោង ១ រំលងអាធ្រាត្រ ឈានចូលថ្ងៃទី២៤ ខែកក្កដា ឆ្នាំ២០២១ នៅតាមដងផ្លូវ ៥៨P ក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញ ។

យោងតាមប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុ មាននារីរូបស្រស់ម្នាក់ បានបើករថយន្ដព្រូសមួយគ្រឿង ធ្វើដំណើរតាមបណ្ដោយផ្លូវ ៥៨P ក៏បានបុកម៉ូតូ FZ មួយគ្រឿង បណ្ដោលឲ្យបុរសដែលជិះនោះ រងរបួសធ្ងន់ ត្រូវបានក្រុមគ្រួសារដឹកយកទៅមន្ទីរពេទ្យ ដើម្បីសង្គ្រោះបន្ទាន់។

ក្រោយកើតហេតុ សមត្ថកិច្ចចរាចរណ៍ខណ្ឌសែនសុខ ក៏បានមកដល់កន្លែងកន្លែងកើតហេតុ និងបានទាក់ទងឲ្យភាគីសងខាងមកដោះស្រាយគ្នា ដើម្បីបញ្ចប់រឿងតែម្តង ៕