ក្រុងព្រះសីហនុ ៖ បុរសម្នាក់ជិះម៉ូតូដួលដោយខ្លួន ខណៈមេឃកំពុងភ្លៀង បណ្ដាលអោយជនរងគ្រោះបោកក្បាលនឹងថ្នល់រងរបួសធ្ងន់ បង្កការភ្ញាក់ផ្អើលនៅវេលាម៉ោង១០ យប់ ថ្ងៃទី២៥ ខែកក្កដា ឆ្នាំ២០២១ នៅចំណុចផ្សារក្ដាម ស្ថិតក្នុងសង្កាត់០៣ ក្រុង/ខេត្តព្រះសីហនុ ។

សមត្ថកិច្ចបានអោយដឹងថា មុនពេលកើតហេតុ បុរសខាងលើបានជិះម៉ូតូម៉ាក Honda PCX ពណ៌ស ពាក់ស្លាកលេខ ភ្នំពេញ 1HA-8849 ដោយបានធ្វើដំណើរតាមបណ្ដោយផ្លូវ បុរីកម្មក ឆ្ពោះចូលទៅ ផ្សារក្ដាម ក្នុងល្បឿនលឿន ខណៈមេឃកំពុងតែភ្លៀង ដោយសារតែដោយសារខ្វះការប្រុងប្រយ័ត្ន ក៏រអិលដួលម៉ូតូបោកទៅនឹងថ្នល់។ ចំណែកមនុស្សវិញផ្លោងចេញពីម៉ូតូបោកខ្ទប់នឹងថ្នល់បែកក្បាលបណ្ដាលអោយរងរបួសធ្ងន់ធ្ងរ។

ក្រោយពេលកើតហេតុជនរងគ្រោះខាងលើ ត្រូវបានបញ្ជូន យកទៅព្យាបាលនៅមន្ទីរពេទ្យ ៨៨៨ ឃ្លាំងលើ។ ចំណែកម៉ូតូសមត្ថកិច្ចជំនាញចរាចរណ៍យកទៅរក្សាទុកទៅការិយាល័យចរាចរណ៍ រង់ចាំជនរងគ្រោះត្រឡប់មកយកវិញ៕