រាជធានីភ្នំពេញ ៖ ស្រីស្អាតម្នាក់ ហៅកង់បីឲ្យដឹកទៅណាក៏បាន បែរជាមកដល់កណ្តាលស្ពានមានសភាពប្លែកៗដូចមិនសូវស្រួល អ្នកបើកកង់បីនោះ ក៏មិនហ៊ានឈប់ បានបើកត្រឡប់មកកាន់គោលដៅដែលមានសមត្ថកិច្ច ស្រាប់តែនារីរូបនោះ ចុះពីកង់បីឥណ្ឌា ដើរសំដៅឡើង ទៅ លើ ស្ពាន វិញ ផ្អើលសមត្ថកិច្ចនិងពលរដ្ឋដើរតាមពីក្រោយជួយតាមមើល ក្រែងលោនាងគិតអ្វីមិនល្អ ។
ហេតុការណ៍នេះបង្កការភ្ញាក់ផ្អើលនៅម៉ោង ៩យប់ថ្ងៃទី២៦ ខែកក្កដា ឆ្នាំ២០២១ នៅ ចំណុច លើ ស្ពាន ជ្រោយ ចង្វា ថ្មី ក្នុង សង្កាត់ ជ្រោយចង្វារ ខណ្ឌ ជ្រោយចង្វា រាជធានីភ្នំពេញ ។
សមត្ថកិច្ចបានឲ្យដឹងថា នារីខាងលើ មិនត្រូវបានស្គាល់ពីអត្តសញ្ញាណនៅឡើយនោះទេ។
ក្នុងនោះ បើតាមប្រភព ពី បុរស ជា អ្នក បើកម៉ូតូ កង់ បី ដែលដឹកនារីខាងលើ បានឲ្យ ដឹង ថា មុន ពេល កើតហេតុ នារីរូបនេះ បាន ហៅ ម៉ូតូ កង់ បី ឥណ្ឌា របស់គាត់ ជិះតាំងពី ម្តុំ សួនច្បារ សណ្ឋាគារ សុខា ឲ្យនិយាយថា ឲ្យខ្លួនដឹកទៅណាក៏បាន លុះ ពេល គាត់ បើក ឡើង ស្ពាន ជ្រោយចង្វារ ថ្មី ដល់ ពាក់កណ្ដាល ស្ពាន ស្រាប់តែ នារី រូប នោះ បានអោយ គាត់ ឈប់ ។
បុរសអ្នកបើកកង់បីដដែលនោះ បានបន្តថា ដោយសារឃើញនាងមានសភាពប្លែកៗ ដូចជាព្យាយាមចង់សម្លាប់ខ្លួន គាត់ ក៏ មិន ហ៊ាន ឈប់ នោះ ទេ បានបន្តបើក យ៉ាង លឿនមក រក សមត្ថកិច្ចនៅគល់ ស្ពាន ជ្រោយចង្វារ ។ ពេលមកដល់នាងក៏ ចុះ ពីលើ ម៉ូតូ កង់ បី ហើយ ដើរ សំដៅ ឡើង ទៅ លើ ស្ពាន វិញ ទើបផ្អើលដល់សមត្ថកិច្ច និងប្រជាពលរដ្ឋ ដើរតាមពីក្រោយនាងរហូត និងព្យាយាមនិងលួងលោម កុំឲ្យនាងគិតអ្វីមិនល្អ រហូតផ្អើលដល់ មិត្ត ភក្ដិ របស់ នាង មកឃាត់ និងដឹក នាង តាម ម៉ូតូ កង់ បី ត្រឡប់ទៅផ្ទះវិញតែម្តង ដោយមិនទាន់ដឹងថា នាងមានវិបត្តិអ្វីនោះឡើយ? ៕
