រាជធានីភ្នំពេញ ៖ ជនសង្ស័យ ៣នាក់បានរួមគំនិតគ្នា ចូលទៅក្នុងផ្ទះមួយកន្លែង ដើម្បីកាត់យកខ្សែភ្លើងនៅក្នុងផ្ទះរបស់គេ អស់លក្ខណ៍ត្រូវសមត្ថកិច្ចចាប់ខ្លួនបាន កាលពីវេលាម៉ោង១រំលងអាធ្រាត្រ ឈានចូលថ្ងៃទី២៨ ខែកក្កដា ឆ្នាំ២០២១ នៅតាមបណ្ដោយផ្លូវកែវចិន្ដា ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
តាមប្រភពព័ត៌មានពីសមត្ថកិច្ចកងអន្តរាគមន៍ពិសេសរបស់អធិការនគរបាលខណ្ឌជ្រោយចង្វារ បានឲ្យដឹងថា ដំបូងឡើយ សមត្ថកិច្ចកំពុងល្បាត ក្នុងភូមិសាស្ត្រ ក៏បានឃើញជនសង្ស័យ៣នាក់ បានធ្វើសកម្មភាពចូលទៅក្នុងផ្ទះមួយកន្លែង ដែលគេចាក់សោចោល ធ្វើសកម្មភាពចូលកាត់ខ្សែភ្លើងនិងយករបស់របរដែលនៅក្នុងផ្ទះ បម្រុងរត់គេចខ្លួន តែស៊យធំក៏ជួបកងកម្លាំងអន្តរាគមន៍ពិសេសរបស់អធិការនគរបាលខណ្ឌជ្រោយចង្វារ ចុះធ្វើការឃាត់ខ្លួនធ្វើការសួរនាំ និងឃាត់ខ្លួនបញ្ជូនមកកាន់អធិការដ្ឋាននគរបាលខណ្ឌជ្រោយចង្វារ ដើម្បីចាត់ការតាមច្បាប់បន្តទៀត៕
