រាជធានីភ្នំពេញ ៖ នគរបាលច្រាំងចំរេះទី២ សហការជាមួយកម្លាំងប៉ុស្តិ៍នគរបាលច្រាំងចំរេះទី១ ស្រាវជ្រាវឃាត់ខ្លួនជនសង្ស័យចំនួន២នាក់ ពាក់ព័ន្ធករណីលួចម៉ូតូ វេលាម៉ោង៣ ថ្ងៃទី២៧ ខែកក្កដា ឆ្នាំ២០២១ នៅចំណុចផ្ទះលេខ២០៥៦ និងមានផ្ទះជួលលេខ១២ ផ្លូវបេតុង ក្រុមទី០១ ភូមិខ១ សង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ។

សមត្ថកិច្ចបានឲ្យដឹងថា ជនរងគ្រោះឈ្មោះ សែម ណារី ភេទស្រី អាយុ៤២ឆ្នាំ មុខរបរជាងដេរ ស្នាក់នៅផ្ទះជួល ផ្លូវបេតុង ក្រុម១ ភូមិខ១ សង្កាត់ច្រាំងចំរេះទី២ ខណ្ឌឫស្សីកែវ ភ្នំពេញ។

ចំណែក ជនសង្ស័យ ទី១-ឈ្មោះ លី អែហ្សាក់ ភេទប្រុស អាយុ២៦ឆ្នាំ មុខរបរជាងភ្លើង ជនជាតិចាម មានទីលំនៅស្នាក់នៅ ផ្ទះលេខ7BEo ផ្លូវបេតុង ក្រុម៤ ភូមិ៤ សង្កាត់ច្រាំងចំរេះទី១ ខណ្ឌឫស្សីកែវ ភ្នំពេញ (មានសារធាតុញៀន), ទី២-ឈ្មោះ កូប គ្រីយ៉ា ភេទប្រុស អាយុ៣៧ឆ្នាំ មុខរបរលក់ដូរ ជនជាតិ ចាម មានទីលំនៅស្នាក់នៅ ភូមិតាសាញ ឃុំតាសាញ ស្រុកសំឡូត ខេត្តបាត់ដំបង(មានសារធាតុញៀន)។

ក្នុងនោះសមត្ថកិច្ចដកហូតបាន ម៉ូតូ០១គ្រឿងម៉ាក Honda dream សេ១២៥ ផលិតឆ្នាំ០១៧ ពណ៌ខ្មៅ ស្លាកលេខ ភ្នំពេញ 1GP-2708 ម៉ូតូរបស់ជនរងគ្រោះ។

សូមបញ្ជាក់ថា មុនពេលកើតហេតុជនរងគ្រោះនិងប្ដីបានជិះម៉ូតូមួយគ្រឿងម៉ាកHONDA C125 ពណ៌ខ្មៅ ពាក់ស្លាកលេខ ភ្នំពេញ 1GP-2708 ចេញពីធ្វើការវិញបានទុកម៉ូតូ ក្នុងបន្ទប់ដោយពុំបានចាក់សោរ លុះដល់ភ្លឺឡើងម៉ោង៧ព្រឹក ក៏បាត់ម៉ូតូ។ បន្ទាប់មកជនរងគ្រោះ ក៏បានមកដាក់ពាក្យបណ្ដឹងនៅប៉ុស្ដិ៍នគរបាលច្រាំងចំរេះទី២ ក្រោយពីទទួលបានបណ្ដឹង រួចហើយកម្លាំងប៉ុស្ដិ៍នគរបាលច្រាំងចំរេះទី២ ក៏បានបើកការស្រាវជ្រាវ និងសហការជាមួយកម្លាំងប៉ុស្តិ៍នគរបាលច្រាំងចំរេះទី១ រហូតបង្ក្រាបបានជាក់ស្តែង និងឃាត់ខ្លួនបានជនសង្ស័យចំនួន០២នាក់ និងវត្ថុតាងម៉ូតូដូចខាងលើនៅថ្ងៃខែឆ្នាំដដែលវេលាម៉ោង២០និង២០នាទី នៅចំណុចផ្លូវជាតិលេខ៥ ក្រុមទី៣ ភូមិ៣ សង្កាត់ច្រាំងចំរេះទី១ ខណ្ឌឫស្សីកែវ។

បច្ចុប្បន្នជនសង្ស័យ០២នាក់ និងវត្ថុតាងកម្លាំងជំនាញបានកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់ ៕ អគ្គស្នងការដ្ឋាននគរបាលជាតិ