រាជធានីភ្នំពេញ ៖ រថយន្តកូរ៉េមួយគ្រឿង ដឹកធ្ងន់ ចាប់ហ្វ្រាំងមិនស៊ីទៅបុកជាមួយនឹងរថយន្តហាយឡែនឌ័រ ដែលស៊ីញ៉ូបត់ឆ្វេង បណ្ដាលឲ្យរថយន្តវិលមួយជុំ នៅផ្លូវ២១៧ រងការខូចខាតទាំងសងខាងយ៉ាងដំណំ កាលពីវេលាម៉ោង១១ព្រឹក ថ្ងៃទី២៨ ខែកក្កដា ឆ្នាំ២០២១ នៅតាមបណ្ដោយផ្លូវ២១៧ សង្កាត់ដង្កោ ខណ្ឌដង្កោ រាជធានីភ្នំពេញ។

តាមប្រភពព័ត៌មានពីសមត្ថកិច្ចមូលដ្ឋាន បានឲ្យក្រុមការងារ TVFB ដឹងថា មុនពេលកើតហេតុ គេឃើញរថយន្តកូរ៉េ ពាក់ស្លាកលេខ ភ្នំពេញ3E-5451 បើកបរស្របទិសគ្នាទិសដៅពីជើងមកត្បូង លុះមកដល់ចំណុចកើតហេតុក៏រថយន្តម៉ាកហាយឡិនឌ័រ ដែលពាក់ស្លាកលេខ ភ្នំពេញ 2BJ 0418 បើកបរដោយបុរសម្នាក់បានស៊ីញ៉ូបត់ឆ្វេង ស្របពេលដែលរថយន្តកូរ៉េមកពីខាងក្រោយចាប់ហ្វ្រាំងមិនស៊ីក៏បុកយ៉ាងពេញទំហឹង វិលរថយន្តមួយជុំទៅបុកនឹងសួនច្បារពុះចែកផ្លូវ រងការខូចខាតយ៉ាងដំណំ តែមិនបណ្ដាលឲ្យមានអ្នកណាម្នាក់រងរបួសឡើយ។

ក្រោពីកើតហេតុសមត្ថកិច្ច បានចុះដល់ទីតាំងខាងលើបានយករថយន្តទាំង២គ្រឿងដាក់អែបខាង ដើម្បីឲ្យភាគីទាំង២ ធ្វើការសម្របសម្រួលគ្នា ដើម្បីបញ្ចប់គ្នានៅកន្លែងកើតហេតុ ៕ មេសា