រាជធានីភ្នំពេញ ៖ យោងតាមផេកអគ្គស្នងការដ្ឋាននគរបាលជាតិបានឲ្យដឹងថាកម្លាំងការិយាល័យនគរបាលព្រហ្មទណ្ឌ កម្រិត ស្រាលនៃស្នងការដ្ឋាននគរបាលរាជធានីភ្នំពេញបានស្រាវជ្រាវឃាត់ខ្លួនជនសង្ស័យចំនួន ០១ នាក់នៅចំណុចមុខវិទ្យាល័យប្ញស្សី កែវ ផ្លូវ បេតុង សង្កាត់ គីឡូម៉ែត្រ លេខ ៦ ខណ្ឌ ប្ញ ស្សី កែវ រាជធានី ភ្នំពេញ ។
ការចាប់ឃាត់ខ្លួនជនសង្ស័យនេះគឺពាក់ព័ន្ធករណីលួចមានស្ថានទម្ងន់ទោស ( ឆក់ កាបូបដៃ ) ប្រព្រឹត្តនៅចំណុចមុខសណ្ឋាគារ ហួងសានផ្លូវរដ្ឋសភាក្រុម ៧៨ ភូមិ ១៤ សង្កាត់ទន្លេបាសាក់ខណ្ឌចំការមនរាជធានីភ្នំពេញកាលពី ថ្ងៃ ទី ១០ ខែមិថុនាឆ្នាំ ២០២១ វេលា ម៉ោង ១២ និង ០០ នាទី ។
ជនសង្ស័យមានឈ្មោះ សុខ ចាន់ ធី ហៅខេម ភេទ ប្រុសអាយុ ១៦ ឆ្នាំជនជាតិខ្មែរជាសិស្សវិទ្យាល័យប្ញស្សីកែវស្នាក់នៅបុរី ភ្នំពេញសុខសាន្តផ្ទះលេខ ៣ ផ្លូវបេតុងភូមិមិត្តភាពសង្កាត់ ឫស្សីកែវ ខណ្ឌឫស្សីកែវរាជធានីភ្នំពេញ ។
ក្នុងនោះសមត្ថកិច្ចដកហូតបានម៉ូតូម៉ាកស៊ុយហ្ស៊ុយគីឡេតពណ៌ ស ស៊េរីឆ្នាំ ២០១៦ ពាក់ស្លាកលេខភ្នំពេញ 1CX-3934។
បច្ចុប្បន្នជនសង្ស័យនិងវត្ថុតាងខាងលើកម្លាំងការិយាល័យជំនាញកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធី ៕
