រាជធានីភ្នំពេញ ៖ បុរសម្នាក់ជាជនបរទសបើកបររថយន្តឡិចស៊ីសRX 400 h បុករះបន្ដបុកចូលរបងផ្ទះប្រជាពលរដ្ឋ បណ្តាលឲ្យរងការខូចខាតនិងបង្កការភ្ញាក់ផ្អើល កាលពីវេលាម៉ោង១០ យប់ ថ្ងៃទី២៩ ខែកក្កដា ឆ្នាំ២០២១ ក្នុងសង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋបានឲ្យដឹងថា មុនពេលកើតហេតុ គេបានឃើញបុរសជនបរទេសម្នាក់ បើករថយន្តម៉ាក ឡិចស៊ីសRX 400 h មួយគ្រឿង ដែលពាក់ស្លាកលេខ ភ្នំពេញ 2AD-7050 ក្នុងទិសដៅពីត្បូងមកជើង មកដល់ចំណុចកើតហេតុក៏បានបុករះនឹងបង្គោលសំយ៉ាបផ្ទះរបស់បងប្អូនប្រជាពលរដ្ឋ។

ភ្លាមនោះរថយន្តមិនទាន់អស់ល្បឿនក៏បានបុកបន្តចូលដល់របងផ្ទះប្រជាពលរដ្ឋដែលនៅក្នុងបុរីមួយកន្លែង ក្នុងសង្កាត់សំរោងក្រោមខណ្ឌពោធិ៍សែនជ័យ ផ្អើលដល់សន្តិសុខនៅក្នុងបុរីក៏បានមកដល់បានឃាត់ម្ចាស់រថយន្តឲ្យទំនាក់ទំនងម្ចាស់ផ្ទះដើម្បីដោះស្រោយ គ្នាបញ្ចប់រឿងតែម្តង ៕