ខេត្តបាត់ដំបង ៖ ជនសង្ស័យម្នាក់ ត្រូវបាននគរបាលស្រុកថ្មគោល និងស្រុកបវេល សហការគ្នា ចាប់ខ្លួនបាន ក្រោយធ្វើសកម្មភាពលួចម៉ូតូរបស់គេបានសម្រេច ហើយព្យាយាមរត់គេចខ្លួនបានរយៈពេល៣ថ្ងៃ និងចាប់ខ្លួនបាន នៅវេលាម៉ោង៥ល្ងាច ថ្ងៃទី២៨ ខែកក្កដា ឆ្នាំ២០២១ នៅចំណុចភូមិស្វាយអារ ឃុំខ្នាចរមាស ស្រុកប វេ ល ខេត្តបាត់ដំបង។

សមត្ថកិច្ចបានឲ្យដឹងថា ជនសង័្សយមានឈ្មោះ ស៊ុន បញ្ញា ភេទប្រុស អា យុ៣៨ឆ្នាំ រស់នៅប្រគាប ឃុំរូងជ្រៃ ស្រុកថ្មគោល ខេត្តបាត់ដំបង ។ ដកហូតម៉ូតូ០១គ្រឿង ម៉ាកហុងដាសេ១២៥ ពណ៌ខ្មៅ ស៊េរី២០១៨ (គ្មានស្លាកលេខ) ជារបស់ជនរងគ្រោះ។

សូមបញ្ជាក់ថា មុននឹងឈានដល់ការឃាត់ខ្លួននេះ គឺកាលពីថ្ងៃទី ២៥ ខែ កក្ដដាឆ្នាំ២០២១ លាម៉ោង១០និង៣០នាទីយប់ នៅចំណុចក្រុម០៤ភូមិគោកខ្ពស់ ឃុំរូងជ្រៃ ស្រុកថ្មគោល មានករណីលួច ម៉ូតូមួយកើតឡើង ដែលករណីនេះបង្កដោយជន សង្ស័យមិនស្គាល់អត្តសញ្ញាណ បានលួចម៉ូតូមួយគ្រឿងរបស់ឈ្មោះ ធួន ប៊ុនថេន ភេទប្រុស អាយុ ៤២ឆ្នាំ រស់នៅភូមិបល្ល័ងក្រោម ឃុំរូងជ្រៃ ស្រុកថ្ម គោល ខេត្តបាត់ដំបង ។

ក្រោយពេលកើតហេតុជនរងគ្រោះបានដាក់ ពាក្យបណ្តឹងចូលមកសមត្ថកិច្ចនគរបាលស្រុកថ្ម គោលអំពីករណីនេះ។

ឆ្លងតាមរយៈការស្រាវ ជ្រាវ ស៊ើបអង្កេតរហូតដល់ថ្ងៃទី ២៨ខែ ក ក្ដដា ឆ្នាំ២០២១វេលាម៉ោង៥ល្ងាច ទើបសមត្ថកិច្ចទាំងពីរស្រុកសហការគ្នា ធ្វើការឃាត់ខ្លួនបានតែម្តង។

ពេលនេះជនសង្ស័យខាងលើ ត្រូវបានសមត្ថកិច្ចនគរបាលបានកសាងសំណុំរឿងបញ្ជូនមកការិយាល័យជំនាញអនុវត្តតាមផ្លូវច្បាប់ រីឯម៉ូតូបានប្រគល់ជូនម្ចាស់វិញ៕ ស្នងការដ្ឋាននគរបាលខេត្តបាត់ដំបង