រាជធានីភ្នំពេញ ៖ ជនសង្ស័យម្នាក់ បានធ្វើសម្មភាពផ្លោះរបងចូលផ្ទះប្រជាពលរដ្ឋ ហើយលួចយកកង់មួយគ្រឿង ក្រោយធ្វើសកម្មភាពតែប៉ុន្មានម៉ោងប៉ុណ្ណោះ។

សមត្ថកិច្ចបានឲ្យដឹងថា ជនសង្ស័យមានឈ្មោះ យិន សំរេច អាយុ២៧ឆ្នាំ មុខរបរមិនពិតប្រាកដ ស្នាក់នៅផ្ទះគ្មានលេខ ភូមិជ្រោយអំពិល១ សង្កាត់ក្បាលកោះ ខណ្ឌច្បារអំពៅ បានធ្វើសកម្មភាព ផ្លោះរបងចូលផ្ទះប្រជាពលរដ្ឋ ហើយលួចយកកង់មួយគ្រឿង កាលពីវេលាម៉ោង១២ និង៤០នាទីយប់ឈានចូលថ្ងៃទី២៨ ខែកក្កដា ឆ្នាំ២០២១ នៅផ្ទះគ្មានលេខ ផ្លូវលំ ភូមិតាព្រហ្ម សង្កាត់ព្រែកឯង ខណ្ឌច្បារអំពៅ។

ចំណែកជនរងគ្រោះឈ្មោះ លឹម រដ្ឋា ភេទប្រុស អាយុ៥១ឆ្នាំ មុខរបរអ្នកលក់ដូរ ។

ក្រោយពីធ្វើសកម្មភាពរួច ជនរងគ្រោះក៏មកដាក់ពាក្យបណ្តឹង ។ ដោយពិនិត្យលើកាមេរ៉ាសុវត្ថិភាព កម្លាំងជំនាញ ព្រហ្មទណ្ឌ ខណ្ឌច្បារអំពៅ កំណត់មុខសញ្ញាជនសង្ស័យបាន ឈានដល់ការចុះទៅចាប់ឃាត់ខ្លួន នៅវេលាម៉ោង៣រសៀល ថ្ងៃដដែល នៅចំណុចដីឡូត៍ទុកចោលមួយកន្លែង ក្នុងភូមិជ្រោយអំពិល២ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ។

បច្ចុប្បន្ន ជនសង្ស័យខាងលើ ត្រូវបានឃាត់ខ្លួន បណ្ដោះអាសន្ន នៅអធិការដ្ឋាននគរបាលខណ្ឌច្បារអំពៅ ដើម្បីកសាងសំណុំរឿងចាត់ការតាមច្បាប់បន្តទៀត៕