រាជធានីភ្នំពេញ ៖ មានករណីគ្រោះថ្នាក់ចរាចរណ៍មួយកើតឡើង ខណៈរថយន្តបែនដឹកដី បើកគេចពីរថយន្តដែលបើកវ៉ាជែងមកពីខាងមុខ បណ្តាលឲ្យរេចង្កូតប្រឡាប់ផ្ងារជើង បណ្តាលឲ្យរងការខូចខាតយ៉ាងដំណំ បង្កការភ្ញាក់ផ្អើល ស្ថិតតាមបណ្តោយផ្លូវ១០៤ ក្នុងសង្កាត់រលួស ខណ្ឌដង្កោ រាជធានីភ្នំពេញ នៅវេលាម៉ោង១២ថ្ងៃត្រង់ថ្ងៃទី៣០ ខែកក្កដា ឆ្នាំ២០២១ ។

ប្រភពព័ត៌មានពីនាក់បើកបររថយន្តបានប្រាប់ក្រុមការងារTVFB ដឹងថា មុនពេលកើតហេតុ គាត់បានបើករថយន្តម៉ាកហ៊ីយ៉ាន់ដាយ ពណ៌សលាយខ្មៅ ពាក់ស្លាកលេខត្បូងឃ្មុំ 3A 3210 ចេញពីយកដី ដើម្បីយកទៅចាក់នៅផ្លូវ៦០ម៉ែត្រ ទិសដៅពីលិចទៅកើតលុះមកដល់ជិតនិងក្លោងទ្វារវត្តប្រធាតុ ស្រាប់តែមានរថយន្តធុនធំ បានបើកវ៉ាជែងមកពីមុខគាត់ ក៏គាត់បានបួងចង្កូតមកខាងស្ដាំដៃបណ្ដាលឱ្យធ្លាក់ផ្លូវក្រឡាប់ផ្ងារជើងតែម្ដង តែសំណាងល្អមិនបណ្តាលឲ្យមានអ្នកណាម្នាក់រងរបួសទ្បើយ គ្រាន់តែរងការខូចខាត រថយន្តខាងលើយ៉ាងដំណំ ។

ក្រោយកើតហេតុ កម្លាំងសមត្ថកិច្ចមូលដ្ឋានប៉ុស្តិ៍រដ្ឋបាលសង្កាត់រលួស បានចុះទៅដល់ទីតាំងខាងលើនឹងធ្វើការត្រួតពិនិត្យ ដោយមិនមានការខូចខាតទ្រព្យសម្បត្តិរដ្ឋ និងមិនបណ្តាលឲ្យមានរបួសដល់បងប្អូនប្រជាពលរដ្ឋ ក៏កម្លាំងសមត្ថកិច្ចឲ្យម្ចាស់រថយន្តខាងលើនេះហៅ រថយន្តស្ទូចដើម្បីយកទៅធ្វើដោយខ្លួនឯង ៕ មេសា