ខេត្តបន្ទាយមានជ័យ ៖ ជនសង្ស័យ ៩ នាក់ត្រូវបានកម្លាំងនគរបាលប៉ុស្តិ៍ ផ្សារកណ្តាលឃាត់ខ្លួនកាលពីវេលាម៉ោង ១២យប់ថ្ងៃទី ៣១ ខែកក្កដា ឆ្នាំ ២០២១ នៅចំណុចផ្លូវបេតុងមុខវត្តផ្សារកណ្តាលក្នុងភូមិផ្សារកណ្តាលសង្កាត់ផ្សារកណ្ដាលក្រុង ប៉ោយប៉ែត ។
សូមបញ្ជាក់ថាមុនពេលឃាត់ខ្លួនជនសង្ស័យទាំង ៩ នាក់កម្លាំងប៉ុស្តិ៍ផ្សារកណ្តាលបានល្បាតដល់ចំណុចផ្លូវបេតុងមុខវត្តផ្សារ កណ្តាលស្ថិតក្នងភូមិផ្សារកណ្តាលសង្កាត់ផ្សារកណ្ដាលក្រុងប៉ោយប៉ែតក៏បានជួបជនសង្ស័យ២នាក់ឈ្មោះសៅពុំភេទប្រុសអាយុ ២៨ ឆ្នាំនិងឈ្មោះយ៉ុនសារ៉ាត់ភេទប្រុសអាយុ ១៨ ឆ្មាំជនទាំង ២ នាក់ស្នាក់នៅភូមិផ្សារកណ្តាលដើរស្ពាយការ៉ុងបានធ្វើការត្រួតពិនិត្យឃើញមានក្បាលរ៉ូមីណេទឹកកន្លះការ៉ុង ។
សមត្ថកិច្ចបានឲ្យដឹងថាតាមការសាកសួរបានឆ្លើយថាពួកគេបានលួចយករបស់គេនៅក្នុងផ្ទះដែលអត់មានមនុស្សនៅក្នុងភូមិគីឡូ លេខ៤សង្កាត់ផ្សារកណ្តាលក្រុងប៉ោយប៉ែត ។
យោងតាមចម្លើយរបស់ជនទាំង ២ នាក់នោះនៅ ថ្ងៃទី ០១ ខែសីហាឆ្នាំ ២០២១ វេលា ម៉ោង ១១ និង ៣០ នាទីសមត្ថកិច្ចក៏ ឈានដល់ឃាត់ខ្លួនបក្ខពួក ០៧ នាក់ទៀតនៅចំណុចបន្ទប់ជួលភូមិផ្សារកណ្តាលរួមមាន ៖ ១. ឈ្មោះមិត្ត ណាសឿត ភេទប្រុស អាយុ ២១ ឆ្នាំ ២. ឈ្មោះ ធៀងលាភហេង ហៅ ហើម ភេទប្រុសអាយុ ២៧ ឆ្នាំ ៣. ឈ្មោះកែវម៉ៅភេទប្រុសអាយុ ១៥ ឆ្នាំ ៤. ឈ្មោះ ទីមភ័ក្ត្រ ភេទប្រុស អាយុ ១៩ ឆ្នាំ ៥. ឈ្មោះ យ៉ានស្រិន ភេទប្រុស អាយុ ៣០ ឆ្នាំ ៦. ឈ្មោះ ឆោមម៉ាន ភេទ ប្រុស អាយុ ២៥ ឆ្នាំ ៧. ឈ្មោះយ៉ុមឈី ភេទប្រុស អាយុ ១៧ ឆ្នាំ ជនទាំងអស់នោះស្នាក់នៅភូមិផ្សារកណ្តាល ។
ក្នុងនោះសមត្ថកិច្ចដកហូតវត្ថុតាងរួមមាន ៖ កង្ហាត្រជាក់ ០១ ចាន បង្គន់ ០១ ភ្លើង ហ្វា ០៦ ឧបករណ៍ បន្ទប់ទឹក ខ្សែភ្លើង មួយ ចំនួន កញ្ចក់ សុល ឡា ០៦ ដុំ ឌីសង់ទ័រ ១៦ រឺ ម៉ក កង់ បី ០១ កាំបិត ក្វែ វ ០១ ពូថៅ ០២ ដាវ ០១ ដប ជក់គ្រឿងញៀន ០៣ ។
ចម្លើយសារភាពជនសង្ស័យទាំងអស់ពិតជាបានសកម្មភាពដើរលួចរបស់របរប្រជាពលរដ្ឋពិតប្រាកដមែន ។ ពេលនេះត្រូវបានសមត្ថកិច្ចជំនាញធ្វើការឃាត់ខ្លួនជនសង្ស័យទាំងអស់ដើម្បីកសាងសំណុំរឿងតាមនីតិវិធីច្បាប់ ៕ អគ្គស្នងការដ្ឋាននគរបាលជាតិ,
