រាជធានីភ្នំពេញ ៖ រថយន្តសណ្តោងរម៉កបែន មួយគ្រឿង បើកគេចពីម៉ូតូវ៉ាជែងនៅខាងមុខ រេចង្កូតធ្លាក់ចូលប្រឡាយទឹក បង្កការភ្ញាក់ផ្អើលដល់អ្នកដំណើរ នៅវេលាម៉ោង២ និង៥០នាទី ថ្ងៃទី១ ខែសីហា ឆ្នាំ២០២១ នៅចំណុចផ្លូវ៥០ម៉ែត្រ ភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ ។

តាមប្រភពព័ត៌មានបានឲ្យដឹងថា មុនពេលកើតហេតុ គេឃើញរថយន្ត សណ្តោងរម៉កបែន មួយគ្រឿង បើកបរដោយបុរសម្នាក់ តាមផ្លូវ៥០ម៉ែត្រ ពីកើតទៅលិច លុះដល់ចំណុចកើតហេតុ ក៏បានគេចពីម៉ូតូដែលបើកវ៉ាជែង ទើបទាញចង្កូតជ្រុលធ្លាក់ចូលប្រឡាយទឹកតែម្តង តែសំណាងណាស់គ្មាននរណាម្នាក់ រងរបួសនោះទេ ។

ក្រោយកើតហេតុ សមត្ថកិច្ចបានចុះមកធ្វើការពិនិត្យ ដោយសារតែមិនប៉ះពាល់ដល់ទ្រសព្យសម្បត្តិសាធារណៈ ណាមួយក៏គ្មាននរណាម្នាក់ រងរបួស ក៏ឲ្យភាគីខាងរថយន្តអូសរយន្តនេះ ទៅជួសជុលឡើងវិញដោយខ្លួនឯង៕