រាជធានីភ្នំពេញ ៖ រថយន្តឃ្លុបមួយគ្រឿង បួងចង្កូតគេចពីរថយន្តផ្សេងទៀត ជ្រុលឡើងលើសួនច្បារចែកទ្រូងផ្លូវ បុកបង្គោលស្លាកសញ្ញា អស់១ដើម បង្កការភ្ញាក់ផ្អើលកាលពីវេលាម៉ោង ៨ និង១០ព្រឹក ថ្ងៃទី៥ ខែសីហា ឆ្នាំ២០២១ មុខច្រកចូលវត្តជន្លង់ម្លូ តាមផ្លូវជាតិលេខ៣ សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ។
តាមប្រភពព័ត៌មាន បានឲ្យដឹងថា មុនពេលកើតហេតុ គេឃើញរថយន្តម៉ាកហ៊ីយ៉ាន់ដាយ ពណ៌ស ពាក់ស្លាកលេខ ភ្នំពេញ 3E-4183 តាមផ្លូវជាតិលេខ៣ ក្នុងទិសដៅពីជើងទៅត្បូង លុះដល់ចំណុចកើតហេតុ ក៏មានរថយន្តមួយគ្រឿងបើកឆ្លងផ្លូវចូលទៅផ្លូវបេតុង ទើបរថយន្តនេះបួងចង្កូតគេច បុកឡើងលើសួនចែកទ្រូងផ្លូវ បុកនឹងបង្គោលស្លាកសញ្ញា បាក់អស់១ដើម សំណាងណាស់គ្មាននរណាម្នាក់ រងរបួសនោះទេ ។ ចំណែកអ្នកបើកបរចុះគេចខ្លួនបាត់ ។
ក្រោយកើតហេតុ សមត្ថកិច្ចបានធ្វើការវាស់វែង យករថយន្តទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋានរាជធានីភ្នំពេញរ ង់ចាំដោះស្រាយតាមច្បាប់បន្តទៀត៕
