ខេត្តបន្ទាយមានជ័យ ៖ យោងតាមផេក នាយកដ្ឋានផ្សព្វផ្សាយអប់រំ បានឲ្យដឹងថា មុខសញ្ញាជួញដូរនិងប្រើប្រាស់គ្រឿងញៀន ប្រុស-ស្រី០៦នាក់ ត្រូវបានកម្លាំងការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តបន្ទាយមានជ័យ សហការជាមួយកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងប៉ោយប៉ែត ចាប់ឃាត់ខ្លួន កាលពីវេលាម៉ោង៣ និង៤៥នាទីរសៀលថ្ងៃទី៥ ខែសីហា ឆ្នាំ២០២១ នៅចំណុចបន្ទប់ជួល ភូមិសាមគ្គីមានជ័យ សង្កាត់/ក្រុងប៉ោយប៉ែត ខេត្តបន្ទាយមានជ័យ ។

សមត្ថកិច្ចបានឲ្យដឹងថា មុខសញ្ញាគ្រឿងញៀនទាំង៦នាក់ រួមមាន ៖ ១/-ឈ្មោះ ផង តុលា ភេទប្រុស អាយុ ៣០ឆ្នាំ,២/-ឈ្មោះ ផន សុហេង ភេទប្រុស អាយុ៣៤ឆ្នាំ ,៣/-ឈ្មោះ កេង វណ្ណះ ភេទប្រុស អាយុ ៣៣ឆ្នាំ,៤/-ឈ្មោះ នូវ ម៉ាប់ ភេទប្រុស អាយុ ៣០ឆ្នាំ ,៥/-ឈ្មោះ ណំ វាសនា ភេទស្រី អាយុ២៦ឆ្នាំ,៦/-ឈ្មោះ ណាត់ ណារី ភេទស្រី អាយុ២៨ឆ្នាំ ។ បន្ទាប់មកកម្លាំងបាននាំខ្លួនជនសង្ស័យទាំង៦នាក់ខាងលើ ទៅធ្វើសំណាកស្វែងរកជំងឺកូវីដ១៩ នៅមន្ទីពេទ្យបង្អែកក្រុងប៉ោយប៉ែត(ដីថ្មី) ជាលទ្ធផល អវិជ្ជមាន(-)ទាំងអស់។

ក្នុងនោះសមត្ថកិច្ចធ្វើការដកហូតបាន ម្សៅក្រាមសថ្លា សង្ស័យជាសារជាតិញៀន ចំនួន៦កូនថង់តូច ទម្ងន់៥១.០០ក្រាម ថ្លឹងទាំងសំបក, ថ្នាំគ្រាប់wyពណ៌ក្រហមចំនួន៣កូនថង់ចំនួន១៥៩គ្រាប់, ថ្នាំគ្រាប់ពណ៌ផ្ទៃមេឃចំនួន៧គ្រាប់, ជញ្ជីងថ្លឹងគ្រឿងញៀនចំនួន១ និងសំបកថង់,ទូរស័ព្ទដៃចំនួន០៣គ្រឿង និងឧប ករណ៍ជក់មួយចំនួន ។

ពេលនេះ ជនសង្ស័យទាំង០៦ និងវត្ថុតាង ត្រូវបានកម្លាំងនគរបាលជំនាញ ប្រឆាំងគ្រឿងញៀនកំពុងកសាងសំណុំរឿងបញ្ជូនទៅសាលាដំបូង ដើម្បីចាត់ការតាមនិតិវិធីច្បាប់ ៕