រាជធានីភ្នំពេញ ៖ យោងតាមផេក អធិការដ្ឋាននគរបាលខណ្ឌបឹងកេងកង បានឲ្យដឹងថា កម្លាំងជំនាញព្រហ្មទណ្ឌ និងកម្លាំងប៉ុស្ដិ៍នគរបាលរដ្ឋបាលបឹងកេងកងទី២ ចុះបង្ក្រាបទីតាំងល្បែងស៊ីសងខុសច្បាប់ (តាមប្រព័ន្ធអនឡាញ) មួយកន្លែង កាលពីវេលាម៉ោង៣ និង១៥នាទីរសៀល ថ្ងៃទី៦ ខែសីហា ឆ្នាំ២០២១ នៅចំណុចមុខស្ដេចបោកអ៊ុត ផ្ទះលេខ២៤ ផ្លូវលេខ ១១៣ ក្រុម ទី៣១ ភូមិ៤ សង្កាត់ បឹងកេងកងទី២ ខណ្ឌបឹងកេងកង រាជធានីភ្នំពេញ ។

ជុំវិញប្រតិបត្តិនេះ សមត្ថកិច្ចធ្វើការដកហូត ទូរទស្សន៍ចំនួន០៥ គ្រឿង , កុំព្យូទ័រCPUចំនួន០២គ្រឿង , តុចំនួន០២ និងកៅអី ចំនួន២៦។

សមត្ថកិច្ចបានឲ្យដឹងថា ក្រៅពីសម្ហារៈខាងលើ សមត្ថកិច្ចមិនបានដកហូតទេ ហើយចំពោះសម្ហារៈខាងលើ ត្រូវបានយកទៅរក្សាទុកនៅគណៈបញ្ជារការឯកភាពខណ្ឌបឹងកេងកង ។ ដោយឡែកចំពោះ ទីតាំងខាងល្បែងស៊ីសងនេះ ត្រូវបានបិទឃ្លុំបេ(សៀល) ផងដែរ៕