ខេត្តព្រះសីហនុ ៖ គ្រោះថ្នាក់ចរាចរណ៍មួយកើតឡើងរវាងម៉ូតូមួយគ្រឿង បានបុកជាមួយនិងម៉ូតូរម៉កដឹកបន្លែលក់ចល័ត បណ្តាលឲ្យមនុស្សម្នាក់ រងរបួសធ្ងន់ ឈាមស្រោចពេញខ្លួន កាលពីវេលាម៉ោង៥ល្ងាចថ្ងៃទី០៦ ខែសីហា ឆ្នាំ២០២១ តាមបណ្តោយផ្លូវមិត្តភាព ម្តុំអូរ០៥ ក្នុងភូមិ០៥ សង្កាត់លេខ៤ ក្រុងព្រះសីហនុ ខេត្តព្រះសីហនុ។

តាមប្រព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ ម៉ូតូមួយគ្រឿងម៉ាក Honda Dream សេ១២៥ ពណ៌ខ្មៅ ពាក់ស្លាកលេខ ព្រះសីហនុ 1D-1348 បើកបរក្នុងល្បឿនលឿន ជ្រុលចង្កូតទៅបុកនឹងម៉ូតូរម៉កដឹកបន្លែលក់ចល័ត ពីក្រោយយ៉ាងពេញទំហឹង បណ្តាលឲ្យបុរសអ្នកបើកម៉ូតូ រូបនោះរងរបួសធ្ងន់ និងបុរសម្នាក់ទៀត ដែលជាអ្នកបើកបរម៉ូតូរម៉ក់ដឹកបន្លែក៏រងរបួសផងដែរ ។

ក្រោយពេលកើតហេតុជនរងគ្រោះត្រូវបានបញ្ជូនទៅសង្គ្រោះបន្ទាន់ នៅមន្ទីរពេទ្យមិត្តភាពឃ្លាំងលើ។