រាជធានីភ្នំពេញ ៖ គ្រោះថ្នាក់ចរាចរណ៍មួយ បានកើតឡើង រវាងរថយន្ត Toyota Rush បានបុកម៉ូតូជាមួយម៉ូតូស៊ុយសាគីនិច អូសប្រមាណ២០ ម៉ែត្រ បណ្តាលឲ្យរងរបួសធ្ងន់ ត្រូវបានក្រុមគ្រូពេទ្យ បញ្ជូនទៅធ្វើការសង្គ្រោះបន្ទាន់ភ្លាមៗ កាលពីវេលាម៉ោង ៨យប់ ថ្ងៃទី៧ ខែសីហា ឆ្នាំ២០២១ នៅចំណុច ផ្លូវ ១០១៩ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

តាមប្រភពព័ត៌មានពីបងប្អូនប្រជាពលរដ្ឋបានឲ្យដឹងថា មុនពេលកើតហេតុ មានរថយន្ដ Toyota Rush មួយគ្រឿង ពាក់ស្លាកលេខ ភ្នំពេញ 2BG-0838 បើកបរដោយស្រ្តីម្នាក់ ក្នុងទិសដៅពីត្បូងទៅជើង មកដល់ផ្លូវបំបែកជាបួន បានបុកជាមួយនឹងនារីម្នាក់ ដែលជិះម៉ូតូNexមួយគ្រឿង ពាក់ស្លាកលេខ ភ្នំពេញ 1BW-9544 បានបុកគ្នាពេញទំហឹង បណ្ដាលឲ្យម៉ូតូនៅក្រោមរថយន្ដអូសប្រហែល២០ម៉ែត្រ។ ចំណែកនារីដែលជិះម៉ូតូវិញរងបួសធ្ងន់ខ្លាំង ហូរឈាមដាបមុខ ត្រូវបានក្រុមគ្រូពេទ្យយករថយន្ដសាមុយដឹកយកទៅបញ្ជូនទៅកាន់មន្ទីរពេទ្យ ដើម្បីសង្រ្គោះបន្ទាន់។

ក្រោយពេលកើតហេតុ សមត្ថកិច្ចជំនាញអធិការដ្ឋាននគរបាលខណ្ឌសែនសុខ បានមកដល់បានធ្វើការវាស់វែង យករថយន្តនិងម៉ូតូទៅរក្សាទុកនៅអធិការដ្ឋាន ដើម្បីរង់ចាំដោះស្រាយគ្នានៅពេលក្រោយតាមច្បាប់បន្តទៀត៕