(ខេត្តព្រះសីហនុ)៖ មានករណីគ្រោះថ្នាក់ចរាចរណ៍មួយកើតឡើងបង្កដោយខ្លួនឯង ដោយរថយន្តមួយគ្រឿងដាច់ហ្វ្រាំងក្រឡាប់ផ្ញាជើង តែសំណាងល្អ មិនមានមនុស្សរងរបួស នៅវេលាម៉ោង០៤និង៣០នាទី ថ្ងៃទី២៣ ខែមីនា ឆ្នាំ ២០២១ នៅចំនុចភូមិ៤ ឃុំអូត្រេះ ស្រុកស្ទឹងហាវ ខេត្តព្រះសីហនុ ។

យោងតាមរបាយការណ៍ពីសមត្ថកិច្ចបានឲ្យដឹងថា មានរថយន្តមួយគ្រឿងធ្វេីដំណេីរពីស្រុកស្ទឹងហាវឆ្ពោះទៅទីរួមខេត្តព្រះសីហនុ បានដាច់ហ្រ្វាំង ក្រឡាប់ធ្លាក់ផ្លូវដោយខ្លួនឯង ម៉ាកToyota Prius ពណ៌ឈាមជ្រូក ស្លាកលេខ ភ្នំពេញ 2T-9027 អ្នកបើក បរ ឈ្មោះឡាយ ប្រុស ភេទប្រុស អាយុ ២៤ឆ្នាំ បច្ចុប្បន្ន ស្នាក់នៅសង្កាត់លេខ៤ ក្រុងព្រះសីហនុ ខេត្តព្រះសីហនុ ។

អ្នករួមដំណេីរឈ្មោះ ខឹម សុណ្ណឌី ភេទប្រុស អាយុ ២៩ឆ្នាំ បច្ចុប្បន្ន ស្នាក់ភូមិ១ សង្កាត់លេខ១ ក្រុងព្រះសីហនុ ខេត្តព្រះសីហនុ។

សូមបញ្ជាក់ផងដែរថា អ្នកបេីកបរនិងអ្នករួមដំណេីរទាំង២នាក់មិនមានរងបួសទេ បច្ចុប្បន្ន រថយន្ត ត្រូវ បានម្ចាស់ស្ទួចយកទៅជួសជុលដោយខ្លួនឯង ៕