រាជធានីភ្នំពេញ ៖ បុរសម្នាក់ទើបតែទិញរថយន្ត ដើម្បីយកទៅផ្ទះនៅខេត្តព្រៃវែង ធ្វើដំណើរតាមផ្លូវ បើកចុះស្ពានព្រះមុន្នីវង្សថ្មី ជាន់ហ្វ្រាំងមិនស៊ី ឡើងលើសួនច្បារចែកទ្រូងផ្លូវ ដួលស្លាកប៉ាន់ណូ១ដើម តែសំណាងល្អមិនបណ្តាលឲ្យមានអ្នកណាម្នាក់ រងរបួសទ្បើយ គ្រាន់តែរងការខូចសម្ភារៈមួយចំនួន កាលពីវេលាម៉ោង១១ ព្រឹកថ្ងៃទី១២ ខែវិច្ឆិកា ឆ្នាំ២០២១ នៅតាមបណ្តោយផ្លូវជាតិលេខ១ ក្នុងសង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ ។

ប្រភពព័ត៌មានពីសមត្ថកិច្ចបានបញ្ជាក់ប្រាប់ក្រុមការងារTVFB បានឲ្យដឹងថា មុនពេលកើតហេតុ គេឃើញរថយន្តកូរ៉េមួយគ្រឿង ដែលពាក់ស្លាកលេខ ភ្នំពេញ 3D 5494 បានបើកចេញពីក្រុមតាខ្មៅ ដើម្បីឆ្ពោះទៅខេត្តព្រៃវែង ទិសដៅពីលិចមកកើត លុះមកដល់ចំណុចកើតហេតុខាងលើ ក៏បានបើកចុះស្ពានព្រះមុន្នីវង្សថ្មី ជាន់ហ្វ្រាំងមិនស៊ី ឡើងលើសួនច្បារចែកទ្រូងផ្លូវ ដួលស្លាកប៉ាន់ណូ១ដើម តែសំណាងល្អមិនបណ្តាលឲ្យមានអ្នកណាម្នាក់ រងរបួសទ្បើយគ្រាន់តែរងការខូចសម្ភារៈមួយចំនួន ។

ក្រោយកើតហេតុសមត្ថកិច្ចជំនាញផែនចរាចរណ៍នៃអធិការដ្ឋាននគរបាលខណ្ឌច្បារអំពៅអំពៅ បានចុះទៅដល់ទីតាំងកន្លែងកើតហេតុ បានធ្វើការវាស់វែង យករថយន្តខាងលើមកកាន់ អធិការដ្ឋានខណ្ឌច្បារអំពៅ ដើម្បីដោះស្រាយគ្នាតាមពេលក្រោយផងដែរ៕ មេសា