រាជធានីភ្នំពេញ ៖ បុរសម្នាក់បើករថយន្ដមួយគ្រឿង បុកម៉ូតូនារីម្នាក់ បណ្ដាលអោយរងរបួសធ្ងន់ ត្រូវបានបញ្ជូនទៅកាន់មន្ទីរពេទ្យ កាលពីវេលាម៉ោង ១១យប់ ថ្ងៃទី១២ ខែវិច្ឆិកា ឆ្នាំ២០២១ នៅតាមបណ្ដោយផ្លូវព្រះនរាត្តម ក្នុងសង្កាត់ផ្សារថ្មី ខណ្ឌដូនពេញ រាជធានីភ្នំពេញ។

ប្រភពព័ត៌មានពីបងប្អូនប្រជាពលរដ្ឋ ដែលនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត Masda មួយគ្រឿ ងដែលពាក់ ស្លាកលេខ ភ្នំពេញ 2BB-0404 ធ្វើដំណើរតាមបណ្ដោយផ្លូវព្រះនរោត្តម ក្នុងទិសដៅពីត្បូងទៅជើង លុះមកដល់ចំណុចកើតហេតុ ជាផ្លូវបំបែកជាបួន ក៏បានបុកម៉ូតូប៊ីត មួយគ្រឿង ដែលពាក់ស្លាកលេខ ភ្នំពេញ 1IK-0409 បណ្ដាលអោយនារីម្នាក់រងរបួសធ្ងន់ ត្រូវបានបញ្ជូនទៅមន្ទីរពេទ្យភ្លាមៗ.

ក្រោយកើតហេតុ សមត្ថកិច្ចជំនាញចរាចរណ៍ បានធ្វើការវាស់វែង យកម៉ូតូនិងរថយន្ត ទៅរក្សាទុកនៅអធិការដ្ឋាននគរបាលខណ្ឌដូនពេញ ដើម្បីរង់ចាំភាគីទាំងសងខាង ចូលមកដោះស្រាយគ្នាទៅតាមផ្លូវច្បាប់ ៕ Mrr Tra