ខេត្តស្ទឹងត្រែង ៖ ស្នងការដ្ឋាននគរបាលខេត្តស្ទឹងត្រែង បានធ្វើការប្រកាសសារជាថ្មី ស្តីពីការតាមចាប់អ្នកទោស២នាក់ ដែលនៅសល់ពីការទម្លុះរបងរត់ចេញពីពន្ធនាគារ ខណៈអ្នកទោស៥នាក់ទៀត គឺចាប់បានវិញហើយ នៅសល់តែ២នាក់ ប៉ុណ្ណោះ អ្វីដែលពិសេសនោះ ស្នងការដ្ឋាននគរបាលខេត្តស្ទឹងត្រែង បានបញ្ជាក់ថា សម្រាប់អ្នកដែលផ្តល់ព័ត៌មានរហូតចាប់បានអ្នកទោសទាំង២នាក់នេះ នឹងសគុណជូនជាទីគាប់ចិត្ត ថែមទៀត។

ក្នុងនោះ យោងតាមផេក ស្នងការដ្ឋាន នគរបាលខេត្តស្ទឹងត្រែង បានបង្ហោះទាំងស្រុងថា សូមគោរពជម្រាបជូន បងប្អូនប្រជាពលរដ្ឋក្នុងខេត្តស្ទឹងត្រែងទាំងអស់ សូមចូលរួមសហការជាមួយសមត្ថកិច្ចមូលដ្ឋាន ករណីបានប្រទះឃើញមុខសញ្ញាដែលជាអ្នកទោសដែលបានរត់គេចខ្លួនពីពន្ធនាគារខេត្តស្ទឹងត្រែង កាលពីថ្ងៃទី៨ ខែវិច្ឆិកា ឆ្នាំ២០២១ កន្លងទៅនេះ សូមជួយផ្តល់ព័ត៌មានមកសមត្ថកិច្ច ដើម្បីធ្វើការឃាត់ខ្លួនយកមកផ្តន្ទាទោសវិញឲ្យខាងតែបាន។

សូមបញ្ជាក់ រាល់ការផ្តល់ព័ត៌មានរហូតដល់ឃាត់ខ្លួនបានអ្នកទាំងនោះ គឺនឹងមានជូនសគុណជាទីគាប់ចិត្តផងដែរ។

លេខទូរស័ព្ទទំនាក់ទំនង :

- 088 834 5627

- 031 999 9491

- អធិការនគរបាលក្រុងស្ទឹងត្រែង 097 822 5555

- អធិការនគរបាលស្រុកថាឡាបរិវ៉ាត់ 088 311 4007

- អធិការនគរបាលស្រុកសៀមបូក 031 977 8496

- អធិការនគរបាលស្រុកសេសាន 088 647 6999

- អធិការនគរបាលស្រុកសៀមប៉ាង 088 388 8856

អធិការនគរបាលស្រុកបុរីអូរស្វាយសែនជ័យ 097 9999 940 ៕