ក្រុងព្រះសីហនុ ៖ មានករណីគ្រោះថ្នាក់ចរាចរណ៍មួយបានកើតឡើង ដោយរថយន្តមួយគ្រឿង បានបើកបុកបង្គោលភ្លើងបំភ្លឺផ្លូវ ត្រង់ចំណុចផ្លូវកោង តាមបណ្តោយផ្លូវ២ធ្នូ ស្ថិតក្នុងសង្កាត់លេខ៣ ក្រុងព្រះសីហនុ វេលាថ្ងៃត្រង់ថ្ងៃ១៣វិច្ឆិកា២០២១នេះ។

ភ្លាមៗនៅមិនទាន់ដឹងពីដើមហេតុ និងអត្តសញ្ញាណម្ចាស់រថយន្តនៅឡើយ ដោយសារថា ក្រោយកើតហេតុ អ្នកបើកបររថយន្តបានចាកចេញដោយទុករថយន្តចោលនៅកន្លែងកើតហេតុ។

បច្ចុប្បន្ន សមត្ថកិច្ចនគរបាលចរាចរណ៍បានចុះធ្វើការពិនិត្យវាស់វែង និងយករថយន្តនេះមករក្សាទុក ដើម្បីដោះស្រាយបន្តតាមនិតិវិធីច្បាប់៕ សំណាង