ព្រះសីហនុ ៖ បុរសពីរនាក់ជិះម៉ូតូមួយគ្រឿងឡើងវ៉ាឆ្វេងមិនប្រយ័ត្នវាក់អើរថយន្ដកូរ៉េ ជ្រុលទៅបុកពេញទំហឹង ហើយប្លោងរអិលចូលក្រោមរថយន្ដម៉ាក Range Rover ទាំងកំរោល បណ្ដាលឲ្យបុរសម្នាក់របួសធ្ងន់និងម្នាក់ទៀតរបួសស្រាល។ ហេតុការណ៍នេះបានកើតឡើងនៅ វេលាម៉ោង ០៧:៤០ នាទីយប់ថ្ងៃទី ១៣ វិច្ឆកា ២០២១ ទីតាំងតាមបណ្ដោយផ្លូវ បុរីកម្មករ ស្ថិតក្នុងសង្កាត់លេខ២ ក្រុង/ខេត្តព្រះសីហនុ។

យោងតាមប្រភពពីពលរដ្ឋដែលនៅម្ដុំនោះបានប្រាប់ថា ដំបូងឡើយគេបានឃើញម៉ូតូ១គ្រឿងជាប្រភេទម៉ូតូធំ ពណ៍ខ្មៅពាក់ស្លាកលេខ រដ្ឋ១៣ 1-4305 ជិះដោយបុរស២នាក់តាមបណ្ដោយផ្លូវ បុរីកម្មករ ក្នុងទិសដៅពីកើតទៅលិច ខណៈពេលដែលទៅដល់ចំណុចកន្លែងកើតហេតុដោយម៉ូតូខាងលើបានឡើងវ៉ារថយន្ដ១គ្រឿង ម៉ាកRange Rover ពណ៍ខ្មៅពាក់ស្លាកលេខ ភ្នំពេញ2AN-7887 មិនប្រុងប្រយ័ត្នបានវាក់អើជ្រុលទៅបុកជាមួយរថយន្ដ១គ្រឿងទៀតម៉ាក Hyundaiពណ៍ស ពាក់ស្លាកលេខ ភ្នំពេញ3F-5175 ដែលបើកក្នុងទិសដៅផ្ទុយគ្នាចំពីមុខចំហៀងខាងឆ្វេងបណ្ដាលឲ្យម៉ូតូដួលរអិលចូលខាងក្រោមនៃរថយន្ដRange Rover តែម្ដង។ ចំណែកបុរសម្នាក់ដែលជានាក់រួមដំណើររបួសធ្ងន់ត្រូវបានបញ្ជូនទៅមន្ទីពេទ្យហើយចំណែកនាក់បើកម៉ូតូរបួសស្រាលគឺបន្តនៅកន្លែងកើតហេតុ។

ក្រោយពេលកើតហេតុដោយសមត្ថកិច្ចជំនាញចរាចរណ៍បានចុះមកដល់បានធ្វើការវាស់វែងនិងយកម៉ូតូរួមទាំងរថយន្ដទាំង២គ្រឿងទៅរក្សាទុករងចាំធ្វើការបន្តតាមនីតិវិធីច្បាប់៕