រាជធានីភ្នំពេញ ៖ ករណីគ្រោះថ្នាក់ចរាចរណ៍មួយបានកើតឡើង រវាងម៉ូតូសណ្តោងរម៉ក បើកបុកពីក្រោយរថយន្តស៊េរីទំនើប Mercedes មួយគ្រឿង បណ្តាលឲ្យបែកស្តុបមួយចំហៀង តែសំណាងល្អមិនបណ្តោយឲ្យមានអ្នកណាម្នាក់រងរបួសទ្បើយ បង្កការភ្ញាក់ផ្អើល នៅតាមបណ្តោយផ្លូវ២៧១ សង្កាត់ស្ទឹងមានជ័យ១ ខណ្ឌមានជ័យ រាជធានីភ្នំពេញ វេលាម៉ោង ១ និង៤៧នាទី រសៀល ថ្ងៃទី១៧ ខែវិច្ឆិកា ឆ្នាំ២០២១នេះ។

ប្រភពព័ត៌មានពីសមត្ថកិច្ច បានបញ្ជាក់ប្រាប់ក្រុមការងារTVFB ឲ្យដឹងថា មុនពេលកើតហេតុ គេឃើញម៉ូតូសណ្តោងរ៉ឺម៉កមួយគ្រឿង ដឹកសម្ភារៈមួយចំនួន បើកបរដោយបុរសម្នាក់ ទិសដៅពីលិចមកកើត បានគេច ម៉ូតូមួយគ្រឿងទៀត បណ្តាលឲ្យរេចង្កូតមកបុកពីក្រោយយ៉ាងពេញទំហឹងចំ ចំហៀងខាងឆ្វេង នៃរថយន្តស៊េរីទំនើបMercedes ដែលពាក់ស្លាកលេខ កម្ពុជា MENG 9999 បើកបរស្របទិសគ្នានៅខាងមុខ បណ្តោលឲ្យរងការខូចខាតយ៉ាងដំណំ តែសំណាងល្អមិនបណ្តាលឲ្យមានអ្នកណាម្នាក់រងរបួសទ្បើយ ។

ក្រោយពីកើតហេតុកម្លាំងសមត្ថកិច្ចជំនាញផែនចរាចរណ៍នៃអធិការដ្ឋានខណ្ឌមានជ័យ បានចុះមកដល់ទៅតាំងកន្លែងកើតហេតុ បានធ្វើការគូសវាស់វែង យករថយន្តនិងម៉ូតូសណ្តោងរ៉ឺម៉កដាក់អែបកៀន ដើម្បីរង់ចាំតំណាងចូលមកដោះស្រាយគ្នា បើមិនត្រូវរ៉ូវគ្នាទេ សមត្ថកិច្ចនឹងយកទៅរក្សាទុកនៅអធិការដ្ឋានខណ្ឌមានជ័យ ដើម្បីរង់ដោះស្រាយគ្នានៅពេលក្រោយបន្តទៀត៕ មេសា