រាជធានីភ្នំពេញ ៖ សមត្ថកិច្ចប៉ុស្តិ៍នគរបាលរដ្ឋបាលសង្កាត់ស្ទឹងមានជ័យទី២ ល្បាតក្នុងភូមិសាស្ត្រ ធ្វើការឃាត់ខ្លួនជនសង្ស័យជាស្ត្រីម្នាក់ ពាក់ព័ន្ធករណីជួញដូរដោយខុសច្បាប់នូវសារធាតុញៀន ដកហូតបានគ្រឿងញៀន១៩កញ្ចប់ធំតូច កាលពីវេលាម៉ោង៨ និង៣០នាទីយប់ ថ្ងៃទី១៦ ខែវិច្ឆិកា ឆ្នាំ២០២១ នៅចំណុចគំនរសំរាម ផ្លូវលំ ភូមិព្រែកទាល់១ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។
សមត្ថកិច្ចបានឲ្យដឹងថា ជនសង្ស័យឈ្មោះ កែម សុខឃីម ភេទ ស្រី អាយុ២៣ឆ្នាំ មុខរបរមិនពិតប្រាកដ និងទីកន្លែងស្នាក់នៅចំណុចគំនរសំរាម ផ្លូវលំ ភូមិព្រែកទាល់១ សង្កាត់ ស្ទឹងមានជ័យទី២ ខណ្ឌមានជ័យ រាជធានី ភ្នំពេញ(ឃាត់ខ្លួនមានផ្ទុកសារធាតុញៀន)។ ក្នុងនោះសមត្ថកិច្ចដកហូតបាន ក្រាមពណ៌សថ្លាចំនួន០៤កញ្ចប់ថង់ធំល្មម និងចំនួន១៥កញ្ចប់ថង់តូច។
បច្ចុប្បន្នជនសង្ស័យខាងលើ កំពុងឃាត់ខ្លួនបណ្តោះអាសន្ន នៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿង បញ្ជូនខ្លួនទៅកាន់តុលាការ ចាត់ការតាមច្បាប់បន្តទៀត ៕
