ខេត្តតាកែវ ៖ ជនសង្ស័យម្នាក់ ត្រូវបានសមត្ថកិច្ច ស្រុកបាទី ធ្វើការចាប់ឃាត់ខ្លួន ក្រោយប្រើអំពើហិង្សា និងបានយកកាំបិតកញ្ចែត(កាំបិតកាប់ដូង) គំរាមថានិងសម្លាប់ចោល ទៅស្ត្រីម្នាក់ បណ្តាលឲ្យរងរបួស កាលពីវេលាម៉ោង ៧និង ៥០នាទីយប់ ថ្ងៃទី២១ ខែវិច្ឆិកា ឆ្នាំ២០២១នៅចំណុចភូមិតាស៊ូ ឃុំត្រពាំងសាប ស្រុកបាទី ខេត្តតាកែវ។ នេះបើយោងតាមផេក អធិការដ្ឋាននគរបាលស្រុកបាទី ។
សមត្ថកិច្ចបានឲ្យដឹងថា ជនសង្ស័យដែលសមត្ថកិច្ចឃាត់ខ្លួនបានមានឈ្មោះ តេម ណុប ហៅប៉ុយ ភេទប្រុស អាយុ២៧ឆ្នាំ មុខរបរមិនពិតប្រាកដ មានទីលំនៅភូមិកើតហេតុខាងលើ បានធ្វើសកម្មភាពប្រើអំពើហិង្សា និងបានយកកាំបិតកញ្ចែត(កាំបិតកាប់ដូង) គំរាមថានិងសម្លាប់ចោល មកលើជនរងគ្រោះ ភេទស្រី អាយុ៧៧ឆ្នាំ មុខរបរកសិករ មានទីលំនៅភូមិតាស៊ូ ឃុំត្រពាំងសាប ស្រុកបាទី ខេត្តតាកែវ បណ្ដាលឲ្យរងរបួសចំករដៃចំហៀង ខាងឆ្វេងប្រេះឆ្អឹងកដៃ ដោយសារ ស្រវឹងស្រា ទើបមានរណីហិង្សានេះកើតឡើង។
ក្រោយកើតហេតុជនសង្ស័យបានគេចខ្លួនបាត់។ លុះឈានដល់ថ្ងៃទី ២២ ខែវិច្ឆិកា ឆ្នាំ២០២១ វេលាម៉ោង១១ កម្លាំងសមត្ថកិច្ច បានឃាត់ខ្លួនជនសង្ស័យនៅចំណុចភូមិតាស៊ូ ឃុំត្រពាំងសាប ស្រុកបាទី ខេត្តតាកែវ និងបានដកហូតវត្ថុតាង កាំបិតកញ្ចែត ដងឈើប្រវែង ៤០ សង់ទីម៉ែត្រ មកអធិការដ្ឋាននគបាលស្រុកបាទី ដើម្បីកសាងសំណុំរឿងតាមនីតិវិធីច្បាប់ ៕
